İsmayıllıda istehsalat müəssisəsinə dəfələrlə oğurluğa girən dəstə saxlanılıb

16-02-2019, 13:21           
İsmayıllıda istehsalat müəssisəsinə dəfələrlə oğurluğa girən dəstə saxlanılıb
İsmayıllı Rayon Polis Şöbəsinə rayonda fəaliyyət göstərən istehsal müəssisələrinin birindən fevralın 12-də daxil olmuş müraciətdə ilin yekunu ilə əlaqədar müəssisədə keçirilmiş yoxlamalar zamanı ümumi dəyəri 75min manatdan artıq müxtəlif qurğuların ötən il ərzində oğurlandığı barədə məlumat verilib.

DİN Mətbuat Xidmətinin Şəki regional qrupundan Teref.az-a verilən məlumata görə, daxil olmuş müraciət əsasında RPŞ-nin əməkdaşları tərəfindən oğurluq edən şəxslərin müəyyən olunması istiqamətində əməliyyat-axtarış tədbirlərinə başlanılıb. Keçirilmiş tədbirlər nəticəsində həmin hadisəni törədən şəxslərin Göyçay rayonunun Qarayazı kənd sakinləri Əkbər Talıbov, onun qohumu Məhəmməd Talıbov , həmkəndliləri Səfa Abbasov və İsmayıllı rayonunun Kürdmaşı kənd sakini Hüseyn Cəbiyev olduqları müəyyən olunub. Onlar şübhəli şəxs qismində saxlanılıblar. Saxlanılan şəxslərin ətraflarında aparılan araşdırmalarla həmkəndlilər Ə. Talıbov və S. Abbasovun ötən ilin aprel, may və dekabr aylarında həmin müəssisənin anbarına 5 dəfə qanunsuz daxil olmaqla oradan ümumi dəyəri 12min manata yaxın müxtəlif su qurğularını, eləcə də digər metal tərkibli əşyaları oğurladıqları müəyyən edilib. Bundan əlavə Ə. Talıbov , S. Abbasov və H. Cəbiyev əvvəlcədən bir qrup şəxs halında birləşərək 2018-ci ilin noyabr ayında həmin zavoda qanunsuz daxil olaraq bu dəfə oradan 16 min manat dəyərində mis metal tərkibli qurğuları oğurladıqları məlum olub. Şübhəli şəxs qismində saxlanılan şəxslərin ətraflarında aparılan əməliyyat-istintaq tədbirləri nəticəsində qohumlar Ə. Talıbov, M. Talıbov və həmkəndliləri S. Abbasovun bu ilin yanvar ayının 1-də həmin müəssisədən 16500 manat dəyərində oğurluq etdikləri üzə çıxıb. Onlar oğurladıqları əşyaları metaləritmə zavodlarına veriblər.

Faktlarla bağlı Cinayət Məcəlləsinin müvafiq maddələri ilə cinayət işi başlanılıb. araşdırma aparılır.шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.