Paris qətliamının təşkilatçısı mühasirədə - ƏMƏLİYYAT DAVAM EDİR

18-11-2015, 13:06           
Paris qətliamının təşkilatçısı mühasirədə - ƏMƏLİYYAT DAVAM EDİR
Fransa polisi Parisin şimalındakı Sen Deni qəsəbəsində anti-terror əməliyyatına başlayıb. Lent.az "Reuters"ə istinadən xəbər verir ki, gecə saatlarında bölgədə komendant saatı elan edilib. Sübh saatlarında başlayan geniş miqyaslı əməliyyat hələ də davam edir.

Bildirilir ki, Fransa hüquq-mühafizə orqanları bir qrup terrorçunun bu qəsəbədə olduğunu müəyyənləşdirib və gecə ilə qəsəbə mühasirəyə alınıb. Terrorçularla polis arasında atışma da baş verib. Bu zaman yerli polislərdən də xəsarət alanların olduğu barədə məlumat var.

Fransa xüsusi-xidmət orqanları Paris qətliamını planlaşdıran terrorçu Adulhəmid Ebayulun da bu qəsəbədə olduğunu güman edir. Hazırda əməliyyat davam edir.

Qeyd edək ki, səsgücləndiricilərlə sakinlərə evlərindən çıxmamaq tapşırılıb, həmçinin, bu gün Sen Deni qəsəbəsində məktəblər və digər idarələr də işləməyəcək.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.