Maduro: "Kolumbiya ilə sərhəddəki təlimlər müdafiə xarakterlidir"

11-09-2019, 07:34           
Maduro: "Kolumbiya ilə sərhəddəki təlimlər müdafiə xarakterlidir"
"Venesuela Kolumbiya ilə sərhəddə hərbi təlimlər keçirməklə heç bir dövləti hədələmir, yalnız öz ərazisini müdafiə edir.

"Report" RİA "Novosti"yə istinadən xəbər verir ki, bu barədə Venesuela prezidenti Nikolas Maduro bildirib.

Venesuela prezidentinin sözlərinə görə, səfərbərlik haqqında qərar Kolumbiya ilə sərhəddə baş verən hadisələr haqqında ordunun strateji komandanlığının məlumatının təhlilinə əsasən qəbul edilib. Maduro bildirib ki, Karakas Boqota tərəfindən təcavüzü hiss edir. O, vurğulayıb ki, Kolumbiyanın zorakılıq siyasəti elə bu ölkədə qalmalıdır, belə siyasət Venesuelaya lazım deyil.

Maduro qeyd edib ki, Venesuela qoşunlarının bütün növləri qonşu ölkə ilə sərhədə yerləşdirilib.

Venesuelanın Kolumbiya ilə sərhəddə hərbi təlimləri sentyabrın 10-da başlayıb və ayın 28-dək davam edəcək.шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.