Ayətullah Sistani ABŞ rəsmilərinin görüşlə bağlı təklifini rədd edib
16-09-2019, 11:32
İslam dünyasının və İraqın tanınmış müctəhidi Ayətullah Seyid Əli Sistani Amerika rəsmilərinin görüşlə bağlı təkliflərini rədd edib.
SalamNews MdeastNews-a istinadla xəbər verir ki, bunu Ayətullah Sistani Nəcəf şəhərində iranlı din alimi Ayətullah Misbah Yəzdini qəbul edərkən deyib.
Ayətullah Sistani bu görüşdə bildirib ki, 2003-dən başlayaraq, ABŞ rəsmiləri dəfələrlə və müxtəlif vasitələrlə onunla görüşmək üçün təkliflər irəli sürüblər.
Ayətullah Sistani vurğulayıb ki, o, ABŞ qüvvələrinin İraqda olmasını qeyri-legitim bilir və buna görə onlarla görüş təklifini qəbul etməyib.
Eyni zamanda Ayətullah Sistani bildirib ki, müstəmləkəçilər xüsusilə də Britaniya müsəlman dünyası və İraqda təfriqə salmaq üçün müxtəlif vasitələrə o cümlədən intenret səhifələri və sosial şəbəklər üzərindən proqramlara rəvac verməkdədir.