Almaniya Kömürdən İmtina Edən Ölkələr Alyansına qoşulacaq

22-09-2019, 19:19           
Almaniya Kömürdən İmtina Edən Ölkələr Alyansına qoşulacaq
Almaniya Enerji Hasili üçün Kömürdən İmtina Edən Ölkələr Alyansına qoşulacaq.

APA-nın xəbərinə görə, bunu Almaniya Ətraf Mühit və Nüvə Təhlükəsizliyi naziri Svenya Şults “Funke” nəşrinə müsahibəsində bildirib.

Almaniyanın bu barədə rəsmi bəyanat bu gün – sentyabrın 22-də Nyu-Yorkda iqlimin qorunması üzrə sammitdə səsləndiriləcək. Nazir deyib ki, əgər Almaniya kimi böyük sənaye ölkəsi kömür və atomdan imtina edərsə və tədricən tamamilə bərpa olunan enerji mənbələrinə istiqamətlənərsə, bu, dünyanın digər regionları üçün güclü siqnal olar.

Qeyd edək ki, Almaniyada Rur vilayətində son kömür yatağı 2018-ci ilin dekabrında bağlanıb. Enerji Hasili üçün Kömürdən İmtina Edən Ölkələr Alyansı isə 2017-ci ilin noyabrında BMT-nin Bonda keçirilən İqlim dəyişikliyi üzrə konfransında yaradılıb. Hazırda Alyansa 30 ölkə qoşulub.шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.