Çinin Hubey əyalətinin Vuhan şəhərində yaranan koronavirus epidemiyası bütün dünyada sürətlə yayılmaqda davam edir.

Sonxeber.az xarici KİV-ə istinadən xəbər verir ki, virusun mənbəyini araşdırmaq üçün Ümumdünya Səhiyyə Təşkilatı (ÜST) tərəfindən Çinə ilkin olaraq bir qrup göndərilib. Komanda 1 baytar və 1 epidemik alimdən ibarət olmaqla, Çin alimləri ilə birlikdə araşdırma aparacaqlar.

ÜST-nın sözçüsü Margaret Harris verdiyi açıqlamada mütəxəssislərin yola çıxdıqlarını və ilkin araşdırma qrupları olduğunu söyləyib.

Digər tərəfdən, mütəxəssislər, epidemiyanın başlamasından sonra vəhşi heyvan bazarlarının bağlanması səbəbindən qəti nəticə əldə etməyin çətin olacağını vurğulayıblar.