İran Ermənistana xəbərdarlıq etdi

6-04-2016, 19:24           

İran sərhəd xidmətinin rəhbəri: Ermənistandan “qeyri-ixtiyari olaraq” İran sərhədinə bir neçə minaatan mərmisi düşüb

İran sərhəd xidmətinin rəhbəri Qasım Rezai bildirib ki, onun ölkəsinin Ermənistan və Azərbaycanla ortaq sərhədlərində yerləşən rayonlarda təhlükəsizlik pozulub.

Turan-ın xəbərinə görə, bu barədə o, İran-Azərbaycan sərhəd rayonlarına səfəri zamanı bildirib.

“Son bir neçə gündə Bakı və Yerevan arasında münaqişə zamanı Ermənistandan “qeyri-ixtiyari olaraq” İran sərhədinə bir neçə minaatan mərmisi düşüb” - deyən Rezai, erməni sərhədçilərinə bunun təkrarlanmaması barədə xəbərdarlıq edib.

Çərşənbə axşamı Q.Rezai Azərbaycan sərhəd xidmətinin rəis müavini İlham Mehdiyevlə görüşərək bir sıra məsələləri müzakirə etmişdi.

Hələ 1993-1994-cü ildə Azərbaycanla Ermənistan arasında savaş getdiyi vaxtda da oxşar iddialar səslənirdi. O vaxtda bildirilirdi ki, Ermənistan Silahlı Qüvvələrinin atdığı bir neçə mərmilər yanlışlıqdan İran ərazisinə düşüb. Onda Azərbaycan mətbuatı yazırdı ki, İranın hakimiyyət orqanları bilərəkdən belə hallara göz yumur.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.