ABŞ-nin beyin mərkəzi Ukraynanın əks-hücumlarının Putini danışıqlara vadar edə biləcəyi qənaətindədir

27-03-2023, 08:50           
ABŞ-nin beyin mərkəzi Ukraynanın əks-hücumlarının Putini danışıqlara vadar edə biləcəyi qənaətindədir
Ukrayna Silahlı Qüvvələrinin (USQ) silsilə əks-hücumları Rusiya Prezidenti Vladimir Putini Ukraynanın şərtləri əsasında danışıqlara getməyə razı sala bilər.

“Report” xəbər verir ki, bu qənaətə ABŞ mərkəzli Müharibə Araşdırmaları İnstitutunun (MAİ) analitikləri gəlib.

Onların fikrincə, ukraynalı hərbçilər döyüş əməliyyatlarının gedişatını dəyişə biləcək gücdə olduğunu göstərməlidirlər. Belə ki, USQ Rusiya ordusuna elə ziyan vurmalıdır ki, Putin və yaxın çevrəsinə Rusiya qoşunlarının döyüş əməliyyatlarını davam etdirərək müharibənin nəticəsinin yaxşılaşdırmağa ümidvar olmadığı aydın olsun.

Beləliklə, Ukraynanın operativ səviyyədə çoxsaylı böyük qələbələri, yəqin ki, danışıqlar yolu ilə müharibəni nizamlama perspektivlərini yaratmaq, və ya Putini döyüş əməliyyatlarını dayandırmağa vadar etmək üçün vacibdir. Amerikalı təhlilçilərə görə, Ukrayna qüvvələrinin əks-hücumlar sayəsində gerçəkdən də uğur qazana biləcəyini gözləməyə əsas var.

Xatırladaq ki, martın 20-də Rusiya Prezidenti Vladimir Putin Çin Sədri Si Cinpinlə görüşdə ölkəsinin “Çinin sülh planını diqqətlə öyrəndiyi və danışıqlara açıq” olduğunu bildirib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.