İranda dəhşətli terror aktı: ölü sayı artdı - YENİLƏNİB,VİDEOLAR (23+)

23-09-2018, 11:13           
İranda dəhşətli terror aktı: ölü sayı artdı - YENİLƏNİB,VİDEOLAR (23+)
İranın cənubunda keçirilən hərbi paradda terakt baş verib.

Axar.az xəbər verir ki, bu barədə Press TV nəlumat yayıb.

İnsident nəticəsində bir neçə nəfərin öldüyü bildirilib.

Qeyd edək ki, bundan öncə İran Hörmüz boğazında hərbi təlimə başlamışdı.

***

İran mətbuatı hücumun ərəblərin üstünlük təşkil etdiyi Əhvaz şəhərində baş verdiyini bildirib.

İnsidentin bir neçə nəfər tərəfindən törədildiyi ortaya çıxıb.

***

Hazırda ölkə paytaxtında hərbi paradda iştirak edən prezidenti Həsən Ruhani teraktdan sonra ərazidən uzaqlaşdırılıb.

İnsident nəticəsində 5 nəfər ölüb, 20 nəfər yaralanıb. Yaralılardan birinin Xuzestan əyalətinin SEPAH komandiri olduğu bildirilib.

Həmçinin yaralılar arasında uşaq və qadının olduğu da qeyd olunub.

***

İnsident zamanı ölənlərin sayı 10-a, yaralananların sayı isə 21-ə çatıb. Ölənlərdən ikisinin terrorçu olduğu bildirilir.

***

İranda hərbi parada hücum zamanı ölənlərdən 8 nəfəri İran İslam İnqilabı Keşikçiləri Korpusunun əsgəridir.

Yaralıların isə ən azı 7 nəfəri SEPAH-çıdır.

***

Əhvaz Mərkəzi Xəstəxanasından yaralananların sayının 60-a yüksəldiyi bildirilib.

***
Əhvazda baş verən terakta görə məsuliyyəti Əhvazın Ərəb Vətənpərvər Demokratik Hərəkatı üzərinə götürüb.

İran bu təşkilatı Səudiyyə Ərəbistanı ilə əlaqələrdə ittiham edir.

***

İran mətbuatının yaydığı məlumata görə, insidentlə əlaqədar Əhvazın İraqla sərhədi bağlanılıb.

***

İRNA agentliyinin məlumatına görə, hadisə nəticəsində ölənlərin sayı 24-ə, yaralananların sayı isə 53-ə yüksəlib.

***

İŞİD terror təşkilatı İranın Əhvaz şəhərində baş verən hücumun məsuliyyətini öz üzərinə götürüb.

Bu barədə İŞİD-ə yaxınlığı ilə tanınan “Amak“ nəşri məlumat yayıb.

Xəbərdə əvvəlcə İran Prezidenti Həsən Ruhaninin də hadisə yerində olduğu qeyd edilsə də, sonradan bu yanlışlıq düzəldilib.

İŞİD hücumu təşkil etdiyini iddia etsə də, teraktla bağlı hər hansı bir görüntü paylaşmayıb.

***

Terakt nəticəsində ölənlərin sayı 25-ə, yaralıların sayı isə 60-a yüksəlib.

İRNA hadisəni 4 terrorçunun törətdiyini, onlardan ikisinin məhv edildiyini, digər ikisinin isə yaxalandığını bildirib.






шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.