Qidadan niyə zəhərlənirik? - “Vaxtı keçmiş məhsulların etiketini dəyişib, yenidən satışa çıxarırlar”

22-11-2019, 17:56           
Qidadan niyə zəhərlənirik? - “Vaxtı keçmiş məhsulların etiketini dəyişib, yenidən satışa çıxarırlar”
Son zamanlar qida ilə bağlı zəhərlənmələrin sayı durmadan artır. Hətta elə istifadəyə yarasız qidalar olur ki, birbaşa insan ölümü ilə nəticələnir. Belə ki, srağagün Bakı Dövlət Universitetinin 3 tələbəsi qidadan zəhərləniblər və çox təəsüf ki, bir tələbəni həyata geri qaytarmaq mümkün olmayıb. Məhz bu səbəb yararsız qidalarla bağlı məsələni gündəmə gətirib.

Azad İstehlakçılar Birliyinin sədri Eyyub Hüseynov Modern.az-a bildirib ki, həqiqətən də bu gün marketlərdə çox acınacaqlı hal yaranıb:

“Sanki qidalarımız ölməzlik statusunu qazanıb. Vətəndaş da bu məhsulu alıb yeyəndə, səhhətində çox ciddi problemlərin yaşadığının şahidi olur. Təbii ki, vaxtı keçmiş məhsullara nəzarət var, ancaq lazımı səviyyədə deyil. Artıq 20 ilə yaxındır ki, İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti, o cümlədən Qida Təhlükəsizliyi Agentliyi dükanlarda reyd keçirərək, bu cür məhsulları toplayıb satıcıya təhvil verirlər. Satıcıya ona görə təhvil verirlər ki, həmin məhsulları məhv etsin. Bəs satıcı neyniyir? Satıcı da həmin məhsulu aldığı adama geri qaytarır. Onlar da etiketini və vaxtını dəyişdirərək yenidən dükanlara satırlar. Alıcı nə bilsin, baxır ki, tarixi təzədir, alır aparır. Bu gün təhlükəli qida ilə bağlı ciddi məsələlərdən biri də, vaxtı keçmiş məhsulların sonrakı taleyidir. Distributorlar vaxtı keçmiş məhsulların etiketini dəyişib, yenidən istehlakçılara təqdim edirlər”.

Eyyub Hüseynovun sözlərinə görə Azərbaycanda istehlakçı hüquqlarını qoruyan qanun yox, Lomonosovun qanunu daha çox hökm sürür:

“Heç bir şey itmir, heç nə məhv olmur. Aazd İstehlakçılar Birliyi artıq neçə ildir ki, vaxtı keçmiş məhsulların məhv edilməsi ilə bağlı iş aparır. Düşünürəm ki, təhlükəli məhsulların son ünvanı biz istehlakçılarıq. Bir məqamı qeyd edim ki, yeyinti məhsulları haqqında və istehlakçıların hüquqlarının müdafiəsinin haqqında qanuna görə, bütün qida məhsullarının istehsal tarixi və son yararlılıq tarixi mütləq göstərilməlidir. Əks halda sahibkarı 1500 manatdan 5 min manata kimi cərimə gözləyir. Düşünürəm ki, cərimələrin tətbiqi bu cür halların qarşısını nisbətən almağa şərait yaradacaq”.шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.