Hacı Məmmədov 10 il əvvəl MTN-də Londondakı «Biq Ben» saatının rəsmini niyə çəkmişdi?

11-10-2018, 16:13           
 Hacı Məmmədov 10 il əvvəl MTN-də Londondakı «Biq Ben» saatının rəsmini niyə çəkmişdi?
Xəbər verildiyi kimi, Böyük Britaniyada korrupsiyaya qarşı mübarizə qanunun ilk hədəfi olan qadın Azərbaycan Beynəlxalq Bankının keçmiş sədri Cahangir Hacıyevin arvadı Zamirə Hacıyeva olub. Belə ki, Z.Hacıyeva Londonda 11.5 milyon funt sterlinqə aldığı (15.13 milyon dollar) evinin əlindən alınmasına qarşı mübarizə aparır. Evin hazırki qiyməti isə 15 milyon funt sterlinq (19.74 milyon dollar) dəyərində qiymətləndirlir (mənbə: BBC Azərbaycan radiosu).
Qeyd olunan media qurumu əlavə edir ki, İngiltərədə media, ictimaiyətin belə bir işin bütün faktları bilməli olduğunu tələb etdikdən sonra Zamirə Hacıyeva, anonimliyinin qorunması barədə tələbini məhkəmədə uduzub. Keçmiş dövlət bankiri Cahangir Hacıyevin arvadı on il ərzində Londonun məhşur dükanı Harrods-da 16 milyon funt sterlinq (35.85 milyon manat) xərcləyib və elə həmin mağazanın yanında - Londonun ən bahalı ərazilərindən birində ev alıb. O, həmçinin Berkshire qraflığında qolf kulubunun alıcısıdır. Ali Məhkəmə əmr etmişdir ki, o, sərvətinin mənbəyini izah etməlidir, əks halda, bütün əmlaklar müsadirə ediləcək.
Böyük Britaniya tarixində ilk "İzahedilməmiş Sərvət Sərəncamı"nın şərtlərinə əsasən, 55 yaşlı Zamirə Hacıyeva, əri Cahangir Hacıyev ilə birgə Milli Cinayət Agentliyinə hesabat verməlidir ki, Londonun bahalı Knightsbridge bölgəsində böyük bir evi hansı maliyyə hesabına alıblar.
***
Onu da qeyd edək ki, UWO, Britaniyada potensial çirkli pullara malik şübhəli korrupsioner xarici rəsmiləri hədəfləmək üçün yeni qanundur. Milli Cinayət Agentliyinin təhqiqatçıları inanırlar ki, ingilis mülklərinə milyardlarla funt çirkli pul qoyulur, lakin sübutların olmaması səbəbiylə həmin əmlak sahiblərini cinayətlə ittiham etmək və ya aktivləri təqib etmək demək olar ki, mümkünsüzdür. Yeni "İzahedilməz Sərvət Sərəncamı" onları zənginliklərini açıqlamağa məcbur etmək cəhdidir. Əgər bir şübhəli xarici rəsmi və ya ailələri, sərvətlərinin qanuni mənbəyini göstərə bilmirsə, Milli Cinayətkarlıq Agentliyi onların mülkünü ələ keçirmək üçün Ali Məhkəməyə müraciət edə bilər.
***
Cahangir Hacıyev Azərbaycan Beynəlxalq Bankının keçmiş sədridir. O, 2016-cı ildə böyük dələduzluq və yeyintinin bir hissəsi olmaqda ittiham edilərək 15 il müddətinə həbs edilib. Onun rəhbərlik etdiyi bankdan on milyonlarla funt sterlinq pul yoxa çıxıb. Hakimlər ona 39 milyon funtu (51.30 milyon dollar) geri ödəməyi əmr edib. Yeddi il əvvəl Britaniyanın Virgin Adalarında mənzillənən bir şirkət Londonun qərbində Harrods alış-veriş mərkəzinin yaxınlığında bir evə 11.5 milyon funt (15.13 milyon dollar) ödəyib. Ali Məhkəmə dinləmələrində evin sahiblərinin Zamirə Hacıyeva və onun həyat yoldaşı Cahangir Hacıyev olduqları aşkara çıxıb. 2013-cü ildə Zamirə Hacıyevanın nəzarət etdiyi başqa bir şirkət Berkshire qraflığında, Ascot kəndinin yaxınlığında təmtəraqlı qolf kursu və əmlakını - Mill Ride Golf Club-u almaq üçün 10 milyon funt (13.15 milyon dollar) xərcləyib. Daxili İşlər Nazirliyi xanım Hacıyevaya Britaniyada varlı sahibkarlar üçün nəzərdə tutulmuş viza ilə yaşamaq izni verib. İyul ayında isə London Ali Məhkəməsinin iclası zamanı cütlük "cənab və xanım A" kimi tanınırdı. Sonradan xanım Hacıyeva olduğu aşkarlanmış xanım A-nın böyük miqdarda birdəfəlik gəlirlərinin olduğu bəlli oldu. O, son 10 il ərzində Harrods-da 16 milyon funt (21.04 milyon dollar) xərcləyib. Bu, gündə 4000 funtdan çox xərcləmə deməkdir. Məhkəmədə aydın olub ki, o, böyük ödənişləri, məsələn, bir gündə lüks zinət, ətir və saat markası olan Boucheron-da bir gün ərzində 150.000 funt (197290.50 dollar) xərcləyib. Növbəti gün o, şərab zirzəmisi üçün 1800 funtluq (2367.49 dollar) alış-veriş edib, məhkəmədə belə deyilib.
Başqa bir gün o, Cartier zinət əşyalarına 100.000 (131527.00 dollar) və lüks kişi geyimlərinə 20.000 funt (26305.40 dollar) xərcləyib. Xanım Hacıyeva alış-verişləri üçün ərinin bankının 35 ədəd kredit kartı və Harrods-un üç ədəd mağaza kartı ilə ödəyib.
Rəsmi məlumatlar cütlüyün Harrods-ın avtomobil parkında iki xüsusi yerə sahib olduqlarını və Zamirə Hacıyevanın 42 milyon funta (55.24 milyon dollar) Gulfstream G550 jet təyyarəsini aldığını da ortaya çıxarıb.
Xeyr, o deyir ki, günahsızdır və fevral ayında ilk dəfə "İzahedilməyən Sərvət Sərəncamı" tətbiq ediləndə ona qarşı çıxmağa cəhd edib. Zamirə Hacıyevanın vəkilləri Ali Məhkəməyə deyiblər ki, o və əri kütləvi ədalətsizlikdən əziyyət çəkiblər. Cahangir Hacıyev bankında dələduzluq etdiyini rədd edir - hərçənd ki, haqqında çıxan qərardan verdiyi apellyasiyanın qərarı onun xeyrinə olmayıb. Onun vəkiləri deyir ki, onun, Azərbaycanın korrupsioner hakim ailəsilə arası pozulub və buna görə qiymət ödəyir. O, Avropa İnsan Haqları Məhkəməsində işinə baxılması üçün vəsatət qaldırılmasına çalışır.
Bundan başqa, Zamirə Hacıyeva "İzahedilməyən Sərvət Sərəncamı"nı mübahisələndirərkən deyib ki, əri bank sədri olmazdan öncə, uğurlu biznesləri sayəsində müstəqil var-dövlət qazanmış qanuni iş adamı olub. Lakin Milli Cinayət Agentliyi məhkəməyə deyib ki, cənab Hacıyev 1993-2015-ci illər ərzində dövlət rəsmisi olub və buna görə də sərvət təhqiqatçılarının ortaya çıxardığı var-dövlətə sahib olmaq üçün imkanı olmamalı idi (/BBC Azərbaycan).

2005-ci ildə Zamirə Hacıyevanı oğurlamağa görə həbs edilmiş Hacı Məmmədov haqlı idimi???

Adam oğurluğunda, ondan çox qətldə adı hallanmış və ömürlük həbs cəzasına məhkum edilmiş DİN-in sabiq baş əməliyyat müvəkkili Hacı Məmmədovun həbsxanada intihar etməsi məlumdur. Belə ki, Hacı Məmmədovun adı ictimaiyyətə 2005-ci ilin martında bəlli olmuşdu: Beynəlxalq Bankın o vaxtkı sədri Cahangir Haclyevin xanımı Zamirə Hacıyevanın oğurlanması ilə bağlı o zamankı MTN-in keçirdiyi "Qara kəmər" əməliyyatından sonra o, həbs edilmişdi. İstintaq materiallarında gostərilirdi ki, Beynəlxalq Bankın sədri Cahangir Hacıyevin xanımı Zamirə Hacıyeva 2005-ci ildə getdiyi qadın salonundan çıxarkən oğurlanıb. Onu Keşlədə, Hacı Məmmədovun qeyri-rəsmi yaşadığı qadının evində, zirzəmidə saxlayıblar və Cahangir Hacıyevdən xanımının azadlığa buraxılması üçün külli miqdarda pul istənilib. Məhz bu hadisədən sonra MTN "Qara kəmər" adı altında xüsusi əməliyyat keçirərək Hacı Məmmədovu və onunla bərabər 20-dən çox adamı həbs etmişdi. Hacı Məmmədovla bərabər o zaman DİN-də Baş Cinayət-Axtarış İdarəsinin rəisi olan general Zakir Nəsirov da həbs olunmuşdu. Sonradan Zakir Nəsirov məhkəmədə bu cinayətlərdən xəbəri olmadığını bildrimiş, ittihamların heç birini qəbul etməmişdi.

Hacı Məmmədov Zamirə Hacıyevanı oğurladıqdan və həbs edildikdən sonra MTN-nin təcridxanasında çəkdiyi rəsmlərində niyə Londondakı «Biq Ben» saatı önündə əlitapançalı kişi təsvir etmişdi?

Beləliklə, ömürlük həbsə məhkum olunmuş Hacı Məmmədov digərləri kimi cəzaçəkmə müəssisəsinə göndərilmir. O, MTN-in İstintaq Təcridxanasında saxlanılır. Burada rəsmlər çəkir. Bu barədə mətbuat bir müddət əvvəl yazmışdı. Hətta mərhum hüquq müdafiəçisi Elçin Behbudov bir neçə dəfə mətbuatda rəsmləri nümayiş etdirərək onların Hacı Məmmədova məxsus olduğunu söyləmişdi. Bu rəsmlərdə pələng və qadın, Londonda Biq Ben saatı önündə əlitapançalı kişi təsvir edilmişdir. Elçin Behbudov müsahibələrində demişdi ki, Hacı Məmmədov bu rəsmlərə "sirr kimi parol qoyur".
Maraqlıdır, indii Zamirə Hacıyevanın London məcaraları və məhkəmə qalmaqalları, ailəvi digər cinayət işləri… ortaya çıxmışdır. Bunlar təsadüfdürmü, yoxsa, Hacı Məmmədov hələ o vaxt bu beynəlxalq qalmaqallardan xəbərdar imiş?!
Suallar çoxdur və artıq bir çoxunun cavabları ortadadır… Onlardan biri də budur ki, belə çıxır ki, Hacı Məmmədov 2005-ci ildə Zamirə Hacıyevanı oğurlayanda nəyisə bilirmiş və bu cinayətində haqlı imiş. Çünki…\\tezadlar.az\\шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.