Bakıda 120-lik yolda ölümlə üz-üzə dayanan piyada - VİDEO

7-12-2018, 19:33           
Bakıda 120-lik yolda ölümlə üz-üzə dayanan piyada - VİDEO
Bakının əsas yollarından olan Beynəlxalq Hava Limanı şosesində təhlükəli anlar yaşanıb.

Teref.az Trend-ə istinadən xəbər verir ki, naməlum piyada gecə saatlarında ölümü gözə alaraq sürət həddi 120 km/saat olan yolda maşınların arası ilə hərəkət edir.

Şahidlərdən biri baş verənləri telefonla çəkərək sosial şəbəkələrdə yayıb.

Görüntülərdən məlum olur ki, naməlum şəxsin gəzdiyi ərazinin yaxınlığında piyada keçidi var.

Məsələ ilə bağlı danışan nəqliyyat üzrə ekspert Ərşad Hüseynov bildirib ki, sözügedən piyadanın bu hərəkəti böyük qayda pozuntusudur:

"İlkin olaraq həmin piyada tapılmalıdır, güman etmək olar ki, onun sağlamlığında hər hansı problem var. Ola bilsin ki, həmin an o, sərxoş halda olub".

Ə.Hüseynovun sözlərinə görə, piyada polis tərəfindən cərimələnməlidir.




"Hər birimiz insanıq, ola bilər ki, ruhi əsəb xəstəsidir, əslində, biz ona kömək etməyə borcluyuq. Əgər normal insandırsa, həmin şəxs ərazidə xidmət edən hüquq-mühafizə orqanları tərəfindən tapılaraq cərimələnməlidir".



Nəqliyyat üzrə ekspert sonda sürücülərə tövsiyə edib ki, bu cür hallarla rastlaşdıqları zaman dərhal polis əməkdaşlarına xəbər etsinlər.
шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.