Rusiya təyyarəsi qalmaqal yaratdı
23-02-2019, 08:10
Rusiyanın Su-27 qırıcısı İsveçin radiotexniki kəşfiyyat təyyarəsinə 20 metrə qədər yaxınlaşıb.
BakuPost-un məlumatına görə, bu barədə krallığın silahlı qüvvələrinin rəsmi saytında məlumat yayılıb.
"Həftənin əvvəlində Baltik dənizi üzərində beynəlxalq hava məkanında uçuş zamanı İsveçin siqnal təyyarəsini Rusiyanın Su-27 qırıcısı izləyib. Rusiya təyyarəsi 20 metrdən də az məsafədə yaxınlaşıb”, - deyə bildirilib.
Silahlı qüvvələr olay barədə İsveç hökumətinə məlumat verib.
Məsələyə münasibət bildirən ölkənin müdafiə naziri Peter Hultqvist bunun qəbuledilməz davranış olduğunu qeyd edib.
