Milyarder və kömür maqnatı Kris Klayn da olmaqla 7 nəfər Baham adalarında helikopterin qəzaya uğraması nəticəsində həlak olub.
Reyting.az xarici mediaya istinadla xəbər verir ki, Amerika hökumətinin məlumatına görə, qəza iyulun 4-də səhər saatlarında qeydə alınıb.
Helikopter Baham adalarının şimal sahili yaxınlığında Atlantik okeanına düşüb. Qəza uçuşdan dərhal sonra baş verib.
Göyərtədəki 7 nəfərdən heç birini xilas etmək mümkün olmayıb. Dostları ölənlərdən birinin Klayn olduğunu tanıya biliblər. O, 62 yaşı bitən ərəfədə ölüb. Qalanların şəxsiyyəti hələ ki müyyənləşdirilməyib. KİV-lərdəki məlumata görə, ölənlərin əksəriyyəti milyarderin ailə üzvləridir.
“Forbes”in məlumatına əsasən, Klaynın varidatı ölən zaman 1,8 milyard dollara yaxın olub. O, 2000-ci illərin əvvəllərində varlanıb.