“Lenovo” şirkəti real vaxt rejimində səsli daxiletməni və bir dildən başqa dilə tərcüməni dəstəkləyən yeni “maus” təqdim edib.

Teref.az yazır ki, ted.az xarici mediaya istinadən xəbər verir ki, sözügedən “maus”un qiyməti təxminən 43 dollardır.

“Lenovo” şirkətinin ağıllı mausu, Çinin “Keda Xunfei” startapının həlli olan danışığın tanınması texnologiyasından istifadə edir. Nəticədə maus səsli daxiletməni dəstəkləyir və danışığı bir dildən başqa dilə tərcümə edir. Hələ ki, səs interfeysi yalnız Çinin müxtəlif dialektlərini və ingilis dilini dəstəkləyir. Sözügedən qurğu danışığı fransız, yapon, alman və başqa 26 dilə tərcümə edə bilər.