Kralın qızına Fransada 10 aylıq həbs cəzası verildi

12-09-2019, 20:48           
Kralın qızına Fransada 10 aylıq həbs cəzası verildi
Səudiyyə Ərəbistanı kralı Salmanın qızı, şahzadə Hassa Bint Salman Fransada adam oğurluğuna təşviq etmə və zorakılıq hadisələrinə qarışma maddələri üzrə 10 ay həbsə məhkum edilib.

“Qafqazinfo” xarici KİV-ə istinadən xəbər verir ki, bu gün baş tutan məhkəmədə verilən hökmün icrası təxirə salınıb.

2017-ci ilin dekabrından Fransada haqqında həbs qərarı olan Hassaya 10 min avroluq pul cəriməsi də verilib. Şahzadə özü məhkəməyə qatılmayıb.

Hassanın cangüdəni Səidi Rani evə gələn işçini zorla saxladığı və ona qarşı şiddət göstərdiyi üçün 8 ay həbs, 5 min avro pul cəzası alıb. Cangüdənin də cəzasının icrası təxirə salınıb.

Xatırladaq ki, şahzadə Hassa 2016-cı ildə Parisdəki lüks mənzilində işləmək üçün gətirilən işçini otaqlardan birinin şəklini çəkdiyi və sosial şəbəkələrdə yayacağı ehtimalı üzündən cangüdəninə döydürüb. Zərərçəkmişin sözlərinə görə, əlləri arxadan bağlanmış, dizüstə şahzadənin ayaqlarını öpməyə vadar edilmişdi. Şahzadə isə heç vaxt bu ittihamları qəbul etməyib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.