Futbol üzrə İngiltərə Premyer Liqasının 21-ci turunda "Nyukasl Yunayted" "Mançester Yunayted"i qəbul edib.

“Report” xəbər verir ki, "Sent-Ceyms Park — Sports Direkt Arena" stadionunda keçirilən görüş qonaqların 2:0 hesablı qələbəsi ilə yekunlaşıb.

Oyunda qolları Romelu Lukaku və Markus Raşford vurub. Belə olan halda, "MY" yeni baş məşqçi Ule Qunnar Sulşerin rəhbərliyi altında ardıcıl 4-cü qələbəsini qazanmış olub.

"Mançester Yunayted" bu qələbə sayəsində xallarının sayını 38-ə çatdırıb və turnir cədvəlində 6-cı pillədə qərarlaşıb. "Nyukasl Yunayted" 18 xalla 15-ci yerdədir.

Paralel keçən qarşılaşmalarda aşağıdakı nəticələr qeydə alınıb:

İngiltərə Premyer Liqası. 21-ci tur

"Nyukasl Yunayted" – "Mançester Yunayted" - 0:2

Qollar: 0:1 – Lukaku – 64, 0:2 – Raşford – 80

"Bornmut" – "Uotford" - 3:3

Qollar: 0:1 – Dini – 14, 0:2 – Dini – 27, 1:2 – Ake – 34, 2:2 – Uilson – 37, 2:3 – Sema – 38, 3:3 – Freyzer – 40

"Çelsi" – "Sauthempton" - 0:0

"Vest Hem Yunayted" – "Brayton end Houv Albion" ¬- 2:2

Qollar: 0:1 – Stivens – 56, 0:2 – Daffi – 58, 1:2 – Arnautoviç – 66, 2:2 – Arnautoviç – 68

"Haddersfild Taun" – "Börnli" - 1:2

Qollar: 1:0 – Munye – 33, 1:1 – Vud – 40, 1:2 – Barns – 74

Qırmızı vərəqə Şindler, 41 ("Haddersfild Taun") – Breydi, 90 ("Börnli")

"Vulverhempton" – "Kristal Pelas" - 0:2

Qollar: 0:1 – Ayyu – 83, 0:2 – Milivoyeviç – 90+5 (pen).