Azərbaycan Kubokunda yarımfinal mərhələsinin ilk oyunları keçiriləcək

23-04-2019, 07:43           
Azərbaycan Kubokunda yarımfinal mərhələsinin ilk oyunları keçiriləcək
Bu gün futbol üzrə Azərbaycan Kubokunda yarımfinal mərhələsinə start veriləcək.

"Report" xəbər verir ki, ilk oyunlar çərçivəsindəki matçlar paytaxtdan kənarda təşkil olunacaq.

Qəbələdəki görüşdə şəhərin eyniadlı komandası Premyer Liqanın lideri "Qarabağ"ın müqavimətini qırmağa çalışacaq. Meydan sahibləri 1/4 finalda "Sabah"ı, Ağdam təmsilçisi isə kubokun son qalibi "Keşlə"ni mübarizədən kənarlaşdırıb. Ölkə kubokunda 5-ci dəfə yolları kəsişən rəqiblər ilk dəfə yarımfinalda görüşəcək. Komandalar indiyədək 3 dəfə 1/4 final, bir dəfə finalda üz-üzə gəliblər. Üç dəfə Ağdam təmsilçisi, bir dəfə isə meydan sahibləri dueldən qalib ayrılıb. 4 dueldəki 7 oyundan beşi heç-heçə ilə yekunlaşıb. Topların fərqində də "Qarabağ"ın üstünlüyü var - 6:5.

Digər yarımfinal qarşılaşmasında isə "Sumqayıt" "Zirə"ni qəbul edəcək. Qəsəbə klubu bundan öncəki raundda "Səbail"i, "gənclik şəhəri" təmsilçisi isə "Neftçi"ni kubokdan uzaqlaşdırıb. Komandalar ölkə kubokunda ilk dəfə üz-üzə gələcəklər. Hər iki kollektiv Premyer Liqada uğursuz çıxış etdikləri üçün Avropa Liqasına vəsiqə üçün yalnız kuboka ümid bəsləyir.

Qeyd edək ki, yarımfinalın cavab oyunları mayın 1-də keçiriləcək.

Azərbaycan Kuboku

1/2 final, ilk oyunlar

23 aprel

16:00. “Qəbələ” – “Qarabağ”

Hakimlər: Vüqar Həsənli, Mübariz Haşımov, Cəmil Quliyev, Kamal Umudlu

Hakim-inspektor: Anar Salmanov

AFFA nümayəndəsi: Erkin Hüseynov

Qəbələ şəhər stadionu

18:30. “Sumqayıt” – “Zirə”

Hakimlər: Səbuhi Bayramov, Knyaz Əmiraslanov, Nahid Əliyev, Rövşən Rəcəbov

Hakim-inspektor: Ceyhun Haşımov

AFFA nümayəndəsi: Eldəniz Musayev

“Kapital Bank Arena”шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.