Gürcüstanda 11 futbolçu həbs edildi - FOTO

21-05-2019, 06:56           
Gürcüstanda 11 futbolçu həbs edildi - FOTO
Gürcüstanın Dövlət Təhlükəsizliyi Xidmətinin Korrupsiyaya qarşı Mübarizə Agentliyi danışılmış matçlarda iştirakda şübhəli bilinən səkkiz futbolçunu və üç keçmiş oyunçunu saxlayıb.

Teref.az "Report"a istinadən xəbər verir ki, bu barədə xidmətin rəsmi saytında bildirilir.

Qeyd edilir ki, saxlanılan keçmiş futbolçular Vaxtanq C, Laşa Ç. və Nika D-dır. Həmçinin İrakli X, Robert İ, İraki B, Coni Ş, Georgi Q, Nikoloz M, Paata Qx, və Nodar K. saxlanılıb. Onlar "Quriya Lançhuti", "Çiatur", "Vit Corci" komandalarının oyunçularıdır.

İstintaqın məlumatına görə, futbolçular mütəşəkkil cinayətkar qrupdan pul vəsaitlərinin alınması müqabilində matçları qəsdən uduzublar. Oyunçular 93,5 min lari (34 min dollardan çox) alıblar.

Bu əməllərinə görə onları 4 ildən 6 ilə qədər həbs cəzası gözləyir.
















Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.