Teymur Rəcəbov Dortmund Superturnirində heç-heçə edib

20-07-2019, 07:35           
Teymur Rəcəbov Dortmund Superturnirində heç-heçə edib
Azərbaycan şahmatçısı Teymur Rəcəbov Dortmundda (Almaniya) keçirilən Superturnirdə növbəti oyununu keçirib.

“Report” xəbər verir ki, beşinci turda onun rəqibi qara fiqurlarla oynayan rusiylı qrosmeyster Yan Nepomnyaşi olub.

Partiya 33-cü gedişdən sonra başa çatıb.

Həmçinin V turun digər qarşılaşmaları da heç-heçə yekunlaşıb. Hazırda beş turdan sonra turnir cədvəlinə 3,5 xal ilə amerikalı Lenyer Dominqes başçılıq edir. Rəcəbov, Rapport və Voytaşek hərəyə 3 xal ilə növbəti yerləri bölüşürlər. Nepomnyaşi, Nisipyanu və Fridmanın 2, Külaotsun isə 1,5 xalı var. Turnir iyulun 21-də başa çatacaq.

Beşinci turun partiyalarının nəticələri

Teymur Rəcəbov (Azərbaycan) – Yan Nepomnyaşi (Rusiya) – 0,5:0,5.

Daniel Fridman (Almaniya) — Lenyer Dominqes (ABŞ) — 0,5:0,5.

Kaydo Külaots (Estoniya) — Rixard Rapport (Macarıstan) — 0,5:0,5.

Radoslav Voytaşek (Polşa) — Liviu-Diter Nisipyanu (Almaniya) – 0,5:0,5.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.