"Neftçi"nin futbolçusu: "Qələbə qolumuzda feyr-pley pozulmamışdı"

2-09-2019, 02:12           
"Neftçi"nin futbolçusu: "Qələbə qolumuzda feyr-pley pozulmamışdı"
"Bütün komandanı təbrik edirəm. Son dəqiqəyə qədər vuruşduq".

"Report"un məlumatına görə, bunu "Neftçi"nin futbolçusu Soni Mustivar evdə "Sumqayıt"a 2:1 hesabı ilə qalib gəldikləri Azərbaycan Premyer Liqasının III tur matçından sonra klubun rəsmi saytına açıqlamasında deyib.

Haitili yarımmüdafiəçi bu qələbənin psixoloji baxımdan çox əhəmiyyətli olduğunu bildirib:

"Artıq neçənci oyundur ki, yaratdığımız qol vəziyyətlərindən yaxşı istifadə edə bilmirik. Bu, psixoloji baxımdan çox əhəmiyyətli qələbə idi".

Hakimlik barədə danışmaq istəməyən Mustivar qələbə topunu vurarkən feyr-pley qaydalarını pozduqlarına dair iddiaları təkzib edib:

"Hər kəs hakimin işini gördü. Bununla bağlı danışmaq istəmirəm. Qələbə qolumuza gəlincə, fair-pley qaydalarına zidd vurulmayıb. Çünki həm "Sumqayıt”ın futbolçusu top çıxmazdan əvvəl ayağa qalxıb oyuna davam etmişdi, həm də həkimlərdən heç kim meydana daxil olmamışdı. "Sumqayıt”ın futbolçusuna hər hansı tibbi yardım göstərilsəydi, təbii ki, biz topu rəqibə qaytarmalı idik. Amma qol epizodunda belə hal yox idi”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.