ABŞ prezidenti Kobi Brayantın ölüm xəbərini dəhşət adlandırıb
27-01-2020, 08:16
ABŞ Prezidenti Donald Tramp beş qat Milli Basketbol Assosiasiyasının (NBA) çempionu və iki qat Olimpiya çempionu Kobi Brayantın təyyarə qəzasında öldüyünə görə təəssüfləndiyini bildirib.
APA TASS-a istinadən xəbər verir ki, Tramp bu barədə "Twitter" səhifəsində yazıb.
“Böyük basketbolçu Kobi Brayant və daha üç nəfərin Kaliforniyada vertolyot qəzasında öldüyü bildirilir. Bu dəhşətli xəbərdir”, - deyə ABŞ prezidenti kədərləndiyini ifadə edib.
Qeyd edək ki, 41 yaşlı veteran basketbolçu helikopterin ABŞ-ın Los-Anceles şəhəri yaxınlığında yerə çırpılması nəticəsində ölüb. Onunla bərabər helikopterdə olan digər şəxslər - K.Brayantın üç dostu, 13 yaşlı qızı və pilot da qəzanın qurbanı olub.