Dünyanın bir nömrəli tennisçisi Novak Cokoviç Xorvatiyada koronavirus testindən keçməkdən imtina edib.

"Report" "Kurir" nəşrinə istinadən xəbər verir ki, Zadardakı turnirdə serbiyalı idmançı ilə təmasda olan bolqarıstanlı Qriqor Dmitrov infeksiyaya yoluxub.

Cokoviç özünü yaxşı hiss etdiyi üçün test vermək istəməyib. Onun məşqçisi Qoran İvanişeviç öz təşəbbüsü ilə testdən keçib və nəticə mənfi olub.