Kolumbiyada futbolçu Radamel Falkaoya heykəl qoyulub
22-09-2018, 07:00
"Monako" futbol klubunun və Kolumbiya yığmasının hücumçusu Radamel Falkaoya doğma şəhəri Santa-Martedə heykəl qoyulub.
"Report" xəbər verir ki, bu barədə "Sovetskiy sport" məlumat yayıb.
Məlumata görə, 6 metrlik abidə ağ rəngdədir. Onun hazırlanmasına və qurulmasına 3 milyon dollardan çox pul xərclənib.
Falkao "Monako"da 2013-cü ildən çıxış edir. 32 yaşlı hücumçu həmçinin Londonun "Çelsi", "Mançester Yunayted", Madridin "Atletiko", "Portu", Argentinanın "River Pleyt" və Kolumbiyanın "Lanseros Boyaka" komandalarının şərəfini qoruyub.
Hazırkı mövsümdə Falkao birinci liqada 4 matçda iştirak edərək 2 qol vurub və 1 məhsuldar ötürmə edib.