Bollivud kinolaarına senari olacaq hadisə: Kişi bir evdə bir-birindən xəbərsiz iki arvad saxlayır VƏ ....

20-10-2018, 20:20           
Bollivud kinolaarına senari olacaq hadisə: Kişi bir evdə bir-birindən xəbərsiz iki arvad saxlayır VƏ ....
Bakıda Bollivud filmlərinə bənzər hadisə baş verib.

Bakı şəhər sakini qeyri-rəsmi olaraq birlikdə yaşadığı Əfsanə adlı xanımı evə gətiriərək onu qonşulara və qohumlarına qulluqçu kimi qələmə verib. Hətta oğlanın anası və bacısı da qohumlara qız evin gəlini deyil, evlərinin qulluqçusu olduğunu bildiriblər. Bir müddətdən sonra qadın hamilə qalıb və bir qız övladı dünyaya gətirib. Sonradan oğlan başqa bir qadınla evlənərək rəsmi nikaha daxil olub. Bu qadın da bir müddət sonra dünyaya bir qız övladı gətirib. Yoldaşı, qaynanası və baldızı tərəfindən yeni gələn gəlinə də Əfsanənin evin qulluqçusu olduğu deyilir. Bu qadınla bütün ailə üzvləri çox pis təftar edib, onu döyüb və qulluqçu kimi işlədiblər.

Təxminən 2-3 ay əvvəl evin nikahlı xanımı ondan gizlədilən həqiqətləri öyrənib və övladını da götürüb ata evinə qayıdıb. Bundan hiddətlənən oğlan nikahsız yaşadığı qadını övladı ilə birlikdə özünün Bakı ətrafında yerləşən bağ evinə apararaq orda bir müddət qadının iradəsinin əksinə olaraq məcburi saxlayaraq, döyüb və işgəncə verib. O, qadına rəsmi nikahda olduğu xanımını qaytarmaq üçün yalan danışmağı və həqiqətən evin qulluqçusu olduğunu söyləməsini tələb edib. Günahlandırılan şəxs qadına işgəncə verməklə kifayətlənməyərək öz doğma övladına da əziyyət edib. Belə ki, atası onu döyərək saçlarını kəsib.

Uzun müddət işgəncələrə məruz qalan qadın çətinliklə də olsa övladı ilə birlikdə ordan qaçıb qonşulara sığınmağı bacarıb. Qonşular qadının vəziyyətini görərək təcili tibbi yardıma və polisə müraciət ediblər. Yalnız bundan sonra qadın Ailə, Qadın və Uşaq problemləri üzrə Dövlət Komitəsinin sığınacağına yerləşdirilib.

mənbə: bakuws












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.