Azərbaycanda körpənin ölümünə səbəb olan həkimlər klinikanı bağlayıb qaçdı – Fotolar

23-09-2018, 11:54           
Azərbaycanda körpənin ölümünə səbəb olan həkimlər klinikanı bağlayıb qaçdı – Fotolar
Abşeron rayon sakini həkim səhlənkarlığının qurbanı olduğunu iddia edir.

Masazır qəsəbəsində yaşayan Cəmilə Məhərrəmova minval.info-ya özəl klinikada başına gələnləri danışıb. Qadın hamiləliyi dövrdə həkim müayinəsi üçün yaxınlıqda yerləşən “Masazır Medical Center” klinikasına müraciət edib. Orada müvafiq qaydada müayinədən keçən C.Məhərrəmovaya səhhətinin yaxşı olduğu deyilib.

“İyul ayının 16-sı özəl klinikada analiz vermişəm. Sonra vəziyyətimin pisləşməsi ilə əlaqədar Respublika Klinik Xəstəxanasına yerləşdirilmişəm. Orada məlum olub ki, “Masazır Medical Center”dəki analizlərin cavabları hamısı yanlışdır. Ardınca isə sözügedən klininkanın lisenziyasının olmadığı ortaya çıxıb və onların fəaliyyət göstərə bilməzlər. Yaxınlarım buna görə “Masazır Medical Center”ə gediblər. Onlara Əsəd adlı səlahiyyətli şəxs deyib ki, “lisenziyanın sizə heç bir aidiyyatı yoxdur, bunun cəriməsi 200 manatdır, verəcəyik, işləyəcəyik”. Həmin səhv analizlərin cavabının yaxşı olduğunu isə həkim laborant Fatma Muradova deyib” – Məhərrəmova söyləyir.

Avqust ayının 1-i körpəsinin tələf olduğunu deyən Cəmilə xanım həmin klinikanın bu hadisədən sonra fəaliyyətini dayandırdığını bildirir.

Məhərəmova ona analizlərin cavablarının müsbət olduğunu dedikləri üçün müalicə almadığını söyləyir.

C.Məhərrəmova baş verənlərlə əlaqədar Abşeron Rayon Prokurorluğuna izahat verib. Amma o, bununla bağlı heç bir irəliləyişin olmadığını deyir. Cəmilə xanım körpəsinin tələf olmasına görə, günahkarların cəzalandırılmasını istəyir.

Qeyd edək ki, həmin klinika barədə internet resurslarında axtarış edən zaman heç nəinki məlumat, xırda şəkil belə əldə edə bilmədik.

















Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.