Azərbaycanlıya görə təyyarə təcili eniş etdi
28-10-2019, 11:55
Rusiyada Novosibirsk-Moskva reysi ilə uçan təyyarə Perm şəhərinin “Bolşoe Savino” hava limanında məcburi eniş edib.
Lent.az -ın yerli KİV-ə istinadən verdiyi məlumata görə, buna səbəb təyyarədə olan 62 yaşlı Azərbaycan vətəndaşının səhhətinin qəfil pisləşməsi olub.
Məlumata görə, hava limanına gələn təcili yardım briqadası onu şəhərdəki xəstəxanaların birinə yerləşdirib. Təyyarə bir saat gecikməklə Moskvaya uçub.
