Taylandda filin şəklini çəkmək istəyən bir turist gözləmədiyi halla qarşılaşıb. Qəzəbli fil qarşısında duran turistin avtomobilinə hücum edib.

Moderator.az xəbər verir ki, Taylandda "Khao Yai "Milli parkında avtomobili ilə gəzən turist bir fillə qarşılaşıb. "Duea" adlı 7 tonluq fili qarşısında görən adam avtomobili dayandıraraq filin şəklini çəkmək istəyib. Bu zaman fil dayanmaq əvəzinə avtomobilin üzərinə çıxıb. Gözlənilməz halla qarşılaşan sürücü avtomobildən çıxaraq qaçıb.

Park rəhbərliyi girişdə turistlərə özlərinə doğru gələn bir fil görən zaman avtomobillərini fildən 30 metr kənarda saxlamalarını və filin onlara doğru gəldiyi zaman əks istiqamətə getmələrini tövsiyə edən xəbərdarlıq lövhəsi asıb. Xəbərdarlıqda "Şəkil çəkmək üçün avtomobili saxlamayın, çünki o poz siz və avtomobiliniz üçün təhlükə yarada bilər" şəklində yazılar yazılıb.