İcbari tibbi sığortanın ölkə üzrə tətbiqi niyə ləngiyir? – Nazirlikdən açıqlama

19-06-2019, 17:14           
İcbari tibbi sığortanın ölkə üzrə tətbiqi niyə ləngiyir? – Nazirlikdən açıqlama
“Azərbaycanın 3 regionunda icbari tibbi sığorta ilə bağlı pilot layihə həyata keçirilib. Bildiyiniz kimi, 2020-ci ilin yanvarın 1-dən ölkə üzrə icbari tibbi sığorta tam tətbiq ediləcək”.

APA-nın xəbərinə görə, bunu Səhiyyə nazirinin müavini Elsevər Ağayev deyib.

O bildirib ki, son 15 il ərzində ölkədə 670 tibb müəssisəsi tikilib və ya əsaslı təmir edilib: “Onların da 470-i regionların payına düşür. Düzdür, Azərbaycanda icbari tibbi sığorta ilə bağlı qanun 1999-cu ildə qəbul edilib, İcbari Tibbi Sığorta üzrə Dövlət Agentliyi isə 2016-cı ildə yaradılıb. Soruşa bilərsiniz ki, icbari tibbi sığortanın ölkə üzrə tətbiqi niyə bu qədər ləngiyib? Birinci növbədə maddi-texniki baza yaradılmalıdır ki, tibbi sığorta da fəaliyyət göstərə bilsin. Dediyimiz ki, 15 il ərzində qurulan müəssisələr, onların müasir avadanlıqlarla, informasiya texnologiyaları ilə təmin olunması bu gün imkan verir ki, tibbi sığorta ölkə üzrə fəaliyyətə başlasın”.
Nazir müavini qeyd edib ki, icbari tibbi sığortanın tətbiq ilə dövlət büdcəsində səhiyyəyə ayrılan xərclər artırılıb.шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.