Ukraynanın Odessa şəhərindəki “Tokio-Star” otelində güclü yanğın baş verib.
Publika.az “112 Ukrayna” telekanalının saytına istinadən xəbər verir ki, hadisə nəticəsində azı 8 nəfər ölüb, 10 nəfər yaralanıb.
Otelin ikinci mərtəbəsindən başlayan yanğın 1000 kvadratmetr sahəni əhatə edib. Yanğınsöndürənlərə yanğının söndürülməsi üçün 3 saata yaxın vaxt lazım olub.
Yanğının söndürülməsinə 65 xilasedici və 13 texnika cəlb olunub. Hadisənin başvermə səbəbləri hələlik məlum deyil, hadisə yerində operativ qrup işləyir.