Azərbaycanda uşaq evində yayılan şok görüntülərlə bağlı AÇIQLAMA

24-01-2020, 18:49           
Azərbaycanda uşaq evində yayılan şok görüntülərlə bağlı AÇIQLAMA
Xəbər verdiyimiz kimi, Gəncə Şəhər 2 saylı Körpələr evində uşaqlara qarşı edilən kobud rəftar və natəmizliklə bağlı görüntülər yayılıb. Körpələr evinin rəhbərliyi sosial şəbəkələrdə və KİV-də yayımlanan video ilə bağlı açıqlama verib.

Açıqlamada deyilir:

“Son günlər sosial şəbəkədə yenidən yayımlanan video və şəkillər 2019-cü ilin oktyabr-noyabr aylarında bir sıra elektron kütləvi informasiya vasitələrində yayımlanması ilə bağlı xüsusi komissiya yarıdılıb.

Araşdırmalar aparılıb, körpələrin bir-birinə bağlanması öz təsdiqini tapmasa da, uşaqların bezlərinin düşməməsi üçün bellərinə uzun corablar bağlanması aşkar olunub və bunu edən 2 orta tibb işçisi ciddi cəzalandırılıb. Videogörüntülərdə uşaq evinin təmirsiz və səliqəsiz olmasına münasibət bildirərək qeyd edək ki, uşaq evində bu məsələ ilə bağlı ciddi problem yoxdur.

Müəssisədə xırda təmir bərpa işləri aparılıb, körpələr evi isti su ilə, kombi sistemi və müasir istilik sistemi ilə təmin olunub. Müəssisədə paltaryuyan maşınlar, tozsoranlar var və təmizlik məsələsinə tamamilə riayət edilir”.

Qeyd edək ki, uşaq evində valideynləri tərəfindən atılan üç yaşa qədər olan uşaqlar saxlanılır.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.