Nazirlikdən Azərbaycan bayrağına qarşı hörmətsizlik - VİDEO/FOTO

25-02-2019, 13:15           
Nazirlikdən Azərbaycan bayrağına qarşı hörmətsizlik - VİDEO/FOTO
Əmək və Əhalinin Sosial Müdafiəsi Nazirliyinin hazırladığı sosial çarxda Azərbaycan bayrağına qarşı hörmətsizlik edilib.

Teref.az xəbər verir ki, unikal.org-un əldə etdiyi məlumata görə, nazirliyin "Dost" Mərkəzləri ilə bağlı hazırladığı sosial çarxda Azərbaycan bayrağı tərsinə asılıb. Belə ki, vide-çarxın 24-cü saniyəsində paralimpiyaçı uşaq su hovuzunda üzərkən divarda asılan bayraqda mavi və yaşıl rənglərinin yeri səhvdir. Həmin video-çarx 09 fevral 2019-cu il tarixindəƏmək və Əhalinin Sosial Müdafiəsi Nazirliyinin rəsmi "Youtube" səhifəsində paylaşılıb.

Sözügedən məsələ ilə bağlı Unikal.org-a Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıbov bildirib ki, sosial rolik çəkilişindən sonra bayrağa olunan yalnışlıq aradan qaldırılıb və həmin görüntü ilə bağı nazirlik açıqlama verəcək.

Müqayisə üçün qeyd edək ki, keçən ilin 26 iyun tarixində Azərbaycan Ordusunun 100 illiyi ilə bağlı keçirilən hərbi paradda asılan Azərbaycan bayrağının fotosunu təqdim edirik.

Qeyd edək ki, Nazirlər Kabinetinin son Nazirlər Kabinetinin "Azərbaycan Respublikası Dövlət bayrağının qaldırılması (asılması), endirilməsi, saxlanılması və istehsalı Qaydaları”nda dəyişiklik edilməsi haqqında" 21 iyun 2018-ci il tarixli qərarına əsasən Azərbaycan Respublikasının Dövlət bayrağı binanın divarına dirəksiz şaquli çəkildikdə və ya şaquli vəziyyətdə xüsusi tutqaclara bərkidildikdə, dövlət bayrağının mavi deyil, yaşıl zolağı qarşıdan baxılarkən sol tərəfə yerləşməlidir.













Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.