Keçmişin “qara kassası” Heybət İmanov rüşvətxorların himayəçisi rolunda... - İTTİHAM

13-05-2019, 17:49           
Keçmişin “qara kassası” Heybət İmanov rüşvətxorların himayəçisi rolunda... - İTTİHAM
Eldar Məmmədov adlı müəllifin ƏƏSMN sistemində baş verən ilginc olaylarla bağlı ittiham dolu yazısını təqdim edir: "Sosial müdafiə sahəsində nazir dəyişikliyindən sonra hamı elə fikirləşirdi ki, nəhayət bu sahədə vəziyyət düzələcək. Amma bu sahədə baş verənlər insanlarda xəyal qırıqlığı yaradıb. Bəlkə də hər şey fərqli olacaqdı, əgər keçmiş nazir Fizuli Ələkbərovun dövründə Nazirliyin “qara kassası” vəzifəsini uğurla icra edən Heybət İmanov yenidən Nazirliyə ayaq açmasaydı. Hesablama Palatasında işlədiyi dövrdə işi gücü Səlim Müslümov və Əjdər Cəbiyev haqqında saytlara yazılar ötürmək olan Heybət İmanov Səlim devriləndən sonra pusquda duran kimi dərhal özünə adam axtarmağa başladı və o adamı tapdı. Özünü elə reklam elədi ki, güya o bu sahənin mütəxəssisidi, onsuz bu sahədə iş getməz. Amma o sahədə işləyənlər yaxşı bilir ki, onun mütəxəsisliyi sosial sahə ilə bağlı qanunvericiliyi üzdən köçürdüb “kitab” yazmaqdan o yana getmir. Bəli, o başqa işləri yaxşı bacarır. Özü kimiləri başına yığıb “qara kassa” olmaq işini yəqin onun kimi az adam bacarar. Yoxsa belə olmasaydı üç sözdən ibarət cümlə yazanda otuz səhv buraxan Rza Əhmədovdan “rivizor” qayırmazdı.

Heybət İmanovun insanlara rivizor kimi sırıdığı Rza Əhmədov Yasamal rayon ƏSMM-də ünvanlı yardımda işçi, direktor müavini sonra isə Əjdər Cəbiyevin himayəsi ilə Xəzər rayon ƏSMM-də direktor müavini işləyib. Kasıb insanların qənimi kimi ad çıxarıb. Bu adam ƏSMM-də işləyənə qədər rayon İcra Hakimiyyətində işə düzəlib ki, ordan asanlıqla digər orqanlara dövlət qulluğuna keçə bilsin və belə də edib. Əks halda test imtahanında iştirak etməli idi. Axı özü də yaxşı bilir ki, bütün ömrü boyu buna çalışsaydı bunu edə bilməzdi. İndinin özündə belə o test imtahanına cəlb olunsa heç 5 suala belə cavab verə bilməz. Bunu ən yaxşı onun pul dostu Heybət imanov bilir. Sual olunur bəs nədən ona himayədarlıq edir. Sualın cavabı çox sadədir. Çünki Rza ona yaxşı pul gətirir. Heybət İmanov nazirin islahatlara başının qarışdığı bir dövrdə bundan istifadə edib Rzanı rayonlara yoxlamaya göndərir ki, getsin idarələrdən nəsə tapıb onu o qədər şişirtsin ki, işçilər qorxusundan rzanın istədiyi məbləği ona versinlər. Kobud davranışı ilə işçiləri zara gətirməklə üzə çıxardığı faktları Korrupsiya idarəsinə göndərə biləcəklərini deməkləri onları şantaj edir. Baxın heybət Rzanın bu qabiliyyətini yüksək qiymətləndirir.

Rza həmçinin özü kimi adamlardan pul alaraq Heybətə verməklə onları vəzifəyə təyin edir. Belələrindən biri səlim müslümovun qohumu Zaur Rəsulovdur. O Zaur Rəsulov ki, 2014-cü ildə Yasamal rayon ƏSMM-də işlədiyi dövrdə yoldaşı Muradova Məlahət Eldar qızının adına 175 manat sosial yardım təyin edib, qanunsuzluğun üstü açılandan sonra məcbur qalıb sənədi ləğv ediblər, lakin məlumatlar Kapital Bankda durur (yardım sənədin nömrəsi 101509). Rza Heybətin vasitəsi ilə onu DSMF-nin Sumqayıt rayon şöbəsinə direktor müavini göndərib. Nazir belə insanlarlamı islahat aparır?

Heç şübhəsiz ki, heybət İmanov zamanı gələndə bütün bunlara görə qanun qarşısında cavab verməli olacaq. Hələ ki, heybət İmanov özünü çox rahat hiss edir. Dostu rza hər yerdə bildirir ki, tezliklə heybət nazir olacaq onu da aparat rəhbəri qoyacaq. Çünki Heybət ona informasiya ötürür ki, nazirin və müavinlərin heç nədən başı çıxmır, hər şeyi ondan soruşur, onunla məsləhətləşirlər. Güya adi bir sənədin hazırlanmasını da bacarmadıqlarından heybətdən soruşurlar. Buna görə tezliklə yuxarıdakılar da görəcək ən savadlısı heybətdi, onu nazir qoyacaqlar.Hətta Korrupsiya idarəsinin rəisinin qohumları ilə də dostdur, heç kim ona toxunmayacaq. Bütün bunlarla faktiki olaraq Heybət İmanov nazirlikdə fironluq edir. Halbuki Fizuli Ələkbərov işdən çıxarılanda əsməcə tutmuşdu onu. Qorxurdu onu istintaqa cəlb edib soruşacaqlar, Nazirliyin yaxınlığındakı qarajda hansı müdirdən neçə min manat pul almısan və neynəmisən? Bilənlər və heybətin özü yaxşı bilir ki, söhbət hansı qarajdan gedir. Ona görə onun ləqəbi boşdan Heybət “qara kassa” deyil. Fizuli Ələkbərovun dövründə başdan ayağa qədər çirkaba bulaşmış belə birisini yenidən nazirliyə yüksək vəzifəyə gətirməklə ətrafı nazir Sahil Babayevə əsl ayı xidməti göstəriblər. Tezliklə onun ağır nəticələrini özləri də görəcəklər.

Bütün bunlarla Heybət İmanov bu sahədə görülən müsbət işlərə də kölgə salır. Çünki bu onları tanıyan insanlarda ikrah yaradır. Bütün bu faktlar diqqətdən kənar qalmamalı hüquq mühafizə orqanları bunları nəzarətə götürməli, faktiki olaraq mofioz şəbəkə kimi fəaliyyət göstərən bu insanları zamanında ifşa etməlidir. Dövlət Təhlükəsizlik Xidməti təkcə rza ilə Heybətin əlaqəsini araşdırsa böyük bir şəbəkəni ifşa edə bilər. Heç bir şübhə yoxdur ki, Heybət və Rza istintaqa cəlb olunsalar yüzlərlə adam onların qanunsuz əməllərinə şahidlik edəcəkdir".

Dia.az olaraq bütün tərəfləri dinləməyə hazırıq...
Dia.az












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.