İcra başçısı müxalif partiyanın sədrini deputat etmək istəyir (İDDİA)

28-01-2020, 20:14           
İcra başçısı müxalif partiyanın sədrini deputat etmək istəyir (İDDİA)
79 saylı İmişli seçki dairəsində icra hakimiyyətinin namizədlərdən birinin xeyrinə seçkiyə müdaxilə etdiyi bildirilir.

AzToday.az xəbər verir ki, "Facebook”dakı İmişli adlı səhifədə bu barədə məlumat paylaşılıb. Məlumatda iddia olunur ki, İmişli rayon icra başçısı Vilyam Hacıyev "AXCP” sədri Razi Nurullayevin deputat olması üçün inzibati resursları işə salıb. Belə ki, yanvarın 25-də Imişli icra hakimiyyəti başçısı Vilyam Hacıyev yalnız 79 saylı seçki dairəsinə aid olan 29 kənd icra numayəndəsi və güc strukturlarını, o cümlədən təhsil şöbəsinin müdirini icra hakimiyyətinə çağıraraq qeyri-rəsmi toplantı keçirib. Bundan 2 saat sonra Razi Nurullayev icra hakimiyyətinə dəvət olunub.

Bildirilir ki, yerli səviyyədə kənd icra nümayəndələrinə sakitçiliklə seçkini Razinin xeyrinə saxtalaşdırılmasına kömək tapşırığı verilib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.