Hayların “Artsaxın ərazi bütövlüyünün bərpasına çalışmaq”? konsepsiyasıda var imiş

6-07-2019, 19:40           
Hayların “Artsaxın ərazi bütövlüyünün bərpasına çalışmaq”? konsepsiyasıda var imiş
Ermənistanın Xarici İşlər naziri Zohrab Mnatsakanyanın növbəti dəfə Azərbaycan Respublikasının dövlət sərhədini pozaraq işğal altındakı torpaqlarımıza səfəri zamanı onunla görüşüb məsləhətləşən qondarma separatçı rejimin “xarici işlər naziri” sayılan Masis Mailyan ad-soyadlı adamabənzər məxluq daha bir həyasız bəyanatla çıxış edib.

Moderator.az xəbər verir ki, Xankəndidəki separatçı nəşrlərin yaydığı məlumata görə, separatçı “nazir” qondarma rejimin danışıqlarda tərəf kimi çıxış etməsi tələbini səsləndirməklə yanaşı, “Artsaxın ərazi bütövlüyünün bərpasına çalışmaq”dan da danışıb.

Söhbət əsasən keçmiş Dağlıq Qarabağ Muxtar Vilayəti tərkibində Azərbaycanın tarixi və konstitusyon torpaqları olan keçmiş “Şaumyan” və hazırkı Xocavənd və Tərtər rayonlarının (keşmiş Ağdərə rayonunun bir sıra kəndləri) dövlətimizin nəzarətində olan hissələrindən gedir. Və həyasız işğalçıların ən yanıqlı yeri 1991-ci ilin yaz-yayında məşhur “Həlqə” və Çaykənd əməliyyatları zamanı azad edilmiş separatçı rejimin Kəlbəcər rayonunu ərazisini də “daxil edərək” qanunsuz “Şaumyan rayonu” tərkibinə saldıqları hazırda Göygöl və Goranboy rayonlarına daxil edilən Çaykənd, Qarabulaq, Azad, Todan, Meşəli, Buzluq, Ağcakənd, Gülüstan və s. kəndlərdir...

Bəhs edilən ərazilərin azad edilməsinə hələ SSRİ-nin tam çökmədiyi bir dövrdə - 1991-ci ilin aprelində Azərbaycanın birinci Prezidenti Ayaz Mütəllibovun sovet lideri M.Qorbaçova təkidli təzyiqindən sonra əldə etdiyi razılaşma əsasında keçmiş sovet ordusunun dəstəyi və o dövrkü Azərbaycna DTK-nın əməkdaşları, polis, “OMON” və AXC könüllülərinin fəal iştirakıyla başlanıb. Adı çəkilən ərazilərlə yanaşı, Şuşa, keşmiş Hadrut və Əsgəran rayonları ərazisində də 20-dən çox kəndin erməni yaraqlılarından azad edilməsi ilə nəticələnmiş “Həlqə” əməliyyatı Azərbaycanın erməni işğalçılarına vurduğu ilk və ən tutarlı zərbə oldu...

Təəssüf ki, 1991-ci ilin avqustunda Sovetlərin çökməsi ilə başlanan ziddiyyətli proseslər və bəzi AXC liderlərinin azad edilən kəndlərdəki ermənilərin “hüquqları”nın müdafiəsinə qalxması nəticəsində Dağlıq Qarabağ və ətraf rayonların erməni terrorçularından təmizlənməsi əməliyyatları yarımçıq qaldı. Ancaq təxminən 1 il sonra AXC iqtidarının həyata keçirdiyi uğurlu Ağdərə və Goranboy hücum əməliyyatları da məhz ermənilərin “Getaşen alt rayonu” adlandırdıqları 7 kəndin azad edilməsinə təkan verən Çaykənd əməliyyatının davamı oldu...












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.