“Qarabağda yeni qızıl, mis yataqlarını açmaq vaxtıdır”- Belə deyən erməni geoloqa necə cavab verək ki?..

23-08-2019, 14:57           
“Qarabağda yeni qızıl, mis yataqlarını açmaq vaxtıdır”- Belə deyən erməni geoloqa necə cavab verək ki?..
O erməni Bakıdan çıxarkən məxfi geoloji xəritə və nümunələri özü ilə aparıb...
Bəs bizim torpaqlarımızı azad etmək vaxtı nə vaxt çatacaq?..

Azərbaycanın işğal altındakı torpaqlarında qondarılmış separatçı-terrorçu rejimin başçısı Bako Saakyan Rusiyada tanınmış erməni geoloq Sergey Vardanyanı qəbul edib.

Moderator.az xəbər verir ki, erməni nəşrlərinin məlumatına görə, B.Saakyan geoloqla rejimin nəzarət etdiyi Azərbaycan ərazilərində dağ-mədən sənayesinin inkişafı problemlərini müzakirə ediblər. S.Vardanyan qətiyyətlə bildirib ki, Dağlıq Qarabağ və ətraf bölgələrdə yeni qızıl, mis, molibden, dəmir və s. yataqlarını kəşf edərək istismara verməyin vaxtı çatıb.

Qondarma terrorçu rejim lideri Rusiyada yaşayan erməni geoloqa Azərbaycanın işğal altındakı torpaqlarında geologiyanın inkişafı, yeni mədənlərin kəşfi və s. sahəsindəki xidmətlərə görə təşəkkür edib və onu medalla təltif edib.

S. Vardanyan öz çıxışında Qarabağın baş geoloqu, keçmiş SSRİ-nin geologiya naziri olmuş Qriqori Qabrielyantsın xidmətlərini yüksək dəyərləndirib, onun Kəlbəcər rayonunun Mehmana kəndi yaxınlığındakı Kaşen mis mədəninin kəşfi və istismarındakı rolundan bəhs edib.

Xatırladaq ki, adı çəkilən 85 yaşlı erməni geoloq Q.Qabrielyants Bakıda anadan olub və 1956-cı ildə Azərbaycan Sənaye İnstitutunu bitirib. Əlimizdə olan məlumata görə, Azərbaycan geologiya nazirliyində məsul vəzifələrdə işləyən bu qoca erməni mütəxəssis 1988-ci ildə Bakıdan çıxarkən nazirliyin laboratoriyalarından oğurladığı Azərbaycanın, xüsusən Qarabağ və ətraf rayonların ərazilərindən toplanmış mineral və filiz nümunələrini, eləcə də məxfi geoloji xəritələri çemodanlara yığaraq özü ilə Moskvaya aparıb. Nəticədə ermənilər həmin materiallardan yararlanaraq öz xarici havadarlarının patronajlığıyla işğal etdikləri torpaqlarımızın yeraltı sərvətlərini 3-cü onillikdir ki, istismar edirlər. Və bizim populist çıxışlar çoxaldıqca bundan sonra da davam edəcəklər...

P.S. Torpaqlarımızın üstündə azad gəzib, altını sərbəst şəkildə eşələyib qiymətli sərvətlərimizə sahiblənən erməni geoloqa biz necə cavab verə bilərik ki, onun nəsə bir təsiri olsun?..

Sultan Laçınшаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.