teref.az Moderator.az-a istinadən qalmaqallar burulğanında olan "AzərRos"un Rostov vilayəti üzrə nümayəndəliyinin rəhbəri Vaqif Mustafayevin qurumun saytına verdiyi müsahibəni tərcümə edərək oxuculara təqdim edir:

Rostov azərbaycanlıların regional milli-mədəni muxtariyyəti Rusiyadakı aktiv azərbaycanlı təşkilatlarından biridir. Onun lideri Vaqif Mustafayev heç vaxt Rusiyada yaşayan yerlilərinin həyat və fəaliyyətinə aid olan hadisələrdən kənarda qalmır. Bizimlə söhbətində Vaqif müəllim bu gün onu bir Rusiya vətəndaşı olan azərbaycanlı və "AzərRos" üzvü kimi kimi narahat edən problemlərdən danışıb.

-Sizin regionda nə qədər azərbaycanlı yaşayır? Onların ən aktual problemləri hansılardır?

-Rostov vilayətində 100 mindən çox azərbaycanlı yaşayır. Onların problemləri də Rusiyanın digər vilayətlərində yaşayan azərbaycanlıların problemi kimidir- bunlar iş tapmaq, yaayış yeriylə təmin olunmaq, ailə-məişət problemləridir. Biz öz vətənimizlə, rus xalqıyla birlikdə yaşayır və nəfəs alırıq. Bizim təşkilatsa imkanı çatdığı qədər vilayətdə yaşayan azərbaycanlıların üzləşdikləri problemlərin həllində yardımçı olmağa çalışır.

-Təşkilatınızın qarşısında hansı məsələlər dayanır?

-Bizim əsas vəzifəmiz Azərbaycan xalqının ənənələrini və mədəniyyətini qoruyub saxlamaq və onu geniş ictimaiyyətə çatdırmaq, yaymaqdır. Bunun üçün biz mümkün qədər daha çox mədəni tədbirlər, forumlar, dəyirmi masalar keçirməyə çalışırıq, milli bayramlarımızda və Azərbaycan tarixinin müxtəlif əlamətdar ildönümlərində bu tədbirləri daha çox insan arasında yaymağı qarşıya məqsəd qoyuruq. Biz bu cür mədəni kütləvi tədbirləri, mədəniyyətimizi təkcə gənc azərbaycanlılar nəsli arasında deyil, bütövlükdə vilayətdə yaşayan hər kəs üçün etməyə çalışırıq. Yeri gəlmişkən, bir müddət öncə Novruz bayramı münasibətilə biz açıq havada çox böyük konsert proqramı təşkil etdik. Bizimlə birlikdə müxtəlif millətlərin nümayəndələrindən ibarət yüzlərlə şəhər sakini bahar bayramının qeyd edilməsinə toplaşdı. Tədbir hamının ürəyincə oldu və hamı ürəkdən sevindi. Bizə də çox xoş oldu ki, təşkilatımız şəhərdə belə bir miqyasda tədbir keçirərək Rostov-Don sakinlərinə sevinc bəxş etdi.

-Necə hesab edirsiniz, Rusiya azərbaycanlıları assimlyasiya prosesinə məruz qalırlarmı və ya onlar öz milli-mədəni özəlliklərini qoruyub saxlaya bilirlərmi?

-Təbii ki, assimlyasiya prosesi azərbaycanlılardan da yan keçmir, ancaq deməzdim ki, bu məqsədli şəkildə edilir. Bayaq mən qeyd etdim ki, bizim təşkilat mümkün qədər Azərbaycanın ənənələrini və mədəniyyətini qorumağa çalışır. Qeyd etmək istərdim ki, özümüzü rusiyalı və rus cəmiyyətinin bir hissəsi hesab etməklə bərabər öz milli identikliyimizi də qorumağın qayğısına qalırıq. Ona görə də adətən Rusiyada yaşayan azərbaycanlı ailələrindəki uşaqlar həm rus, həm də azərbaycan dilini əla bilirlər.

-"AzərRos"da-Rusiyadakı azərbaycanlıların əsas təşkilatında baş verən son olaylarla bağlı mövqeyinizi bilmək istərdik. Sizin qənaətinizə görə "AzərRos"dakı parçalanmanın məsuliyyəti kimin üzərinə düşür?

-Təşkilatdakı parçalanmaya görə hər kəsdən qabaq keçmiş baş nazir müavini Abbas Abbasov günahkardır, hansı ki, şəxsi ambisiyaları Rusiyada yaşayan azərbaycanlıların ümummilli maraqlarından öndədir, indiki "AzərRos" da onun diktəsi və hikkəsi ilə idarə olunur. Bizi və bizim kimi regional milli mədəni muxtariyyətin nümayəndəliklərini Rusiyadakı bütün Azərbaycan təşkilatlarını özündə birləşdirən bir qurumun mövcudluğu və ambisiyasız fəaliyyət göstərməsi qane edərdi. Amma Abbas Abbasov özünü "AzərRos"un avtoriteti kimi aparır və "AzərRos"a yalnız ona loyal olan diaspor rəhbərlərini buraxır, kimlərin ki, özünün mövqeyi var, hansı ki, bu Abbas Abbasovu qane etmir, təşkilatın üzvlüyündən kənarlaşdırır. Abbasov bu təşkilatda ancaq özünün şəxsi maraqlarını güdür və görünən odur ki, antiazərbaycan qüvvələrə xidmət edir. O "AzərRos"un parçalanmasında maraqlıdır, hansı ki, bu təşkilat yarandıqdan qısa müddət sonra 2013-cü ilə qədər ümumrusiya miqyas almışdı və Murmanskdan Dərbəndə, Kalinqraddan Kamçatkayadək bütün azərbaycanlıları birləşdirirdi, amma sonda Abbasov belə bir nəhəng təşkilatı cib strukturtuna çevirdi. Abbasov öz dostları Mehriban Sadıqova və Asif Məhərrəmovla birlikdə "AzərRos"da öz qaydalarını qoyublar və qurumun onlara baş əyməyən digər üzvlərinin mövqeyi ilə hesablaşmırlar. Fevralın 28-də kağız üzərində qondarma qurultay da keçirdilər, hansı ki, onlarla həmrəy olmayan əksər regional nümayəndəlikləri qurumdan çıxardıqlarını bəyan etdilər. Biz onların belə qondarma qurultay keçirdiklərini eşidib dəhşətə gəldik. Hansı ki, yanvarın 17-də azərrosun fəxri sədri Söyün sadıkovun rəhbərliyi altında qanuni qurultay keçirilmişdi, ancaq Tver və Moskva vilayəti üzrə nümayəndəliklərin rəhbərləri iştirak etmədiklərinə göreə sadıkov təklif etdi ki, yaza qədər gözələyək və hamı da onun bu təklifiylə razılaşdı. Amma abbasov yaranmış fasilədən istifadə edərək tələsik özünün qondarma qurultayını keçirdi, hansı ki, həmin tədbirdə cəmisi 5 səlahiyyətli nümayəndə iştirak edirdi. Bizə indi bəlli oldu ki, Qarabağ münaqişəsi zamanı Abbasov kimə dəstək verirmiş. O nağılar danışmaqda ustadır. Bunlardan biri də onun guya anasının təqaüdü ilə 150 min rubla vertolyot icarəyə götürərək xocalıları xilas etməsi haqqındadır.

-Siz artıq fevralın 20-də Abbas Abbasovun keçirdiyi qurultayın legitim olmadığını bəyan etmisiniz. Deyin görək həmin qurultaya "AzərRos"un Rostov nümayəndəliyi dəvət edilmişdimi?

-Bizim təşkilat da 20 fevralda keçirilən həmin qondarma qurultaya dəvət edilmişdi və biz həmin tədbirin qanunsuz və qeyri-legitim olduğunu bəyan edərək iştirak etmədik. Amma fevralın 18-də "AzərRos" Federal Şurasının rəhbəri Mehriban Sadıqovanın adından elektron poçtumuza bizim həmin qurultayda iştirak etməyəcəyimzlə bağlı konfransın protokulunu da göndərdi. Amma sonradan bəlli oldu ki, qurultayı keçiriblər və bizim təşkilatın adından orada Azərbaycanlıların Milli-Mədəni Muxtariyyəinin Rostov nümayəndəliyinə dəxli olmayan tamamilə kənar adamlar səs veriblər. Daha doğrusu, "AzərRos"un indiki rəhbərliyinin lehinə saxta səs verilib. Bizə o da bəlli oldu ki, həmin qurultaya Federal Şuranın, milli-mədəni muxtariyyətin yerli və regional rəhbərləri buraxılmayıblar. Yəni kimlər ki, özlərini Azərosun rəhbərləri hesab edirlər, öz həmvətənlərinə qarşı barrikada quraraq onları öz şəxsi qurultaylarına buraxmayıblar, hansı ki, həmin tədbir hamıya açıq və ümumxalq forumu olmalıydı. Sual olunur, kimlər üçün həmin qurultayı keçirirdiniz? Əgər biz həmin tədbirdə kimlərin iştirak etdiyi və nəyə səs verdiklərini, kimin bizim yerimizə səs verdiyini bilmiriksə belə bir hoqqabazlığa kim qurultay kimi qəbul edər? Hansı ki, onu ciddi qanun pozuntularıyla keçirdilər və Rusiya qanunlarını da saymadılar.

-Sizin təşkilat aprelin 14-də keçirilməsi nəzərdə tutulan birləşdirici qurultayı dəstəkləyirmi? Siz həmin tədbirdən nə gözləyirsiniz?

-Mən təkcə aprelin 14-də keçiriləcək birləşdirici qurultayı dəstəkləmirəm, bu tədbiri Rusiyada yaşayan bütün azərbaycanlıların birliyi, konsolidasiyası üçün ən doğru addım hesab edirəm. Biz "AzərRos"u diriltməli, onun əvvəlki nüfuzunu özünə qaytarmalıyıq, kimlərinsə şəxsi mülkiyyəti deyil, bütövlükdə Rusiya cəmiyyətinin mənafeyi naminə açıq və işlək bir qurum olmasını təmin etməliyik. Mən buna əminəm və mənə inanan digər Azərbaycan təşkilatlarının fəallarını, o cümlədən Tver və Moskva nümayəndəliklərini qarşıdakı qurultayın işində iştirak etməyə çağırıram. Kimsə bizə özümüzün açıq və azad seçimimizə mane ola bilməz.