Bu mallar üçün gömrük rüsumu ləğv edildi

14-07-2019, 09:55           
Bu mallar üçün gömrük rüsumu ləğv edildi
Nazirlər Kabineti “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişikliklər edib.
“Yeni Sabah” xəbər verir ki, dəyişikliyə görə bir sıra məhsulların idxal rüsumları ləğv olunub.

Belə ki, “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə 2711 12 910 0, 2711 12 930 0, 2711 12 940 0, 2711 13 100 0, 2711 13 300 0, 2711 13 910 0 və 2711 13 970 0 alt yarımmövqelərinə aid sətirlərin “Tarif dərəcəsi (gömrük dəyərinə görə faizlə və ya ölçü vahidinə görə ABŞ dolları ilə)” sütununda “15” rəqəmi “0” rəqəmi ilə əvəz edilib.

Bu qərar dərc edildiyi gündən 30 (otuz) gün sonra qüvvəyə minir.

Dəyişiklik ondan ibarətdir ki, sözügedən qərarın “Mineral yanacaq, neft və onun qovulma məhsulları; bitumlu maddələr; mineral mumlar” bölməsinə şamil edilir. Dəyişikliyə görə, emalın spesifik prosesləri üçün, proseslərdə kimyəvi çevrilmələr üçün, təmizliyi 90 %-dən çox, lakin 99 %-dən az olan kodlar üzrə məhsulların idxal rüsumu sıfırlanıb. Bu vaxta qədər onların rüsumu gömrük dəyərinə görə %-lə və ya ölçü vahidinə görə 15 ABŞ dolları nəzərdə tutulurdu.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.