Ekspert Qərargaha səsləndi: - “Maska şagirdlər üçün də məcburi olsun”

24-09-2020, 15:15           
Ekspert Qərargaha səsləndi: -
Ekspert Qərargaha səsləndi:
“Son 3 gündür ki, Təhsil Nazirliyi təhsil sahəsində koronavirusa yoluxanların statistik məlumatlar paylaşır. Əslində Təhsil Nazirliyi bunu edən ilk qurumdur. Onların bunu etməkdə məqsədi heç də təhsil alan şagirdləri, onların valideynlərini təşvişdə saxlamaq deyil. Əksinə, məsələnin tam şəkildə nəzarətdə saxlanılmasını göstərməkdir”.

Cebhe.info xəbər verir ki, bu sözlərlə təhsil eksperti Kamran Əsədov çıxış edib. O bildirib ki, yoluxma azyaşlı uşaqlarda nadir hallarda rast gəlinirdi:

"Bəs burada sual çıxır ki, şagirdlər məktəbdə yoluxub, yoxsa məktəbə qədər yoluxub? Axı indiyə qədər yoluxma dalğasının hətta ən pik nöqtəsində belə şagirdlərə, azyaşlı uşaqlara çox nadir hallarda rast gəlinirdi. İndi isə 8 gündür tədris ili başlayıb və 200 dən çox şagirdin və müəllimin yoxlamasını əks etdirən rəsmi rəqəmlər var. Məsələ budur ki, şagirdlər indiyə qədər hər hansı bir testin və ya yoxlamanın predimenti olmayıb, indiyə qədər azyaşlıları yoxlamaq, testə salmaq heç kim tərəfindən həyata keçirilməyib. Amma indi hər gün məktəbə daxil olan zaman şagirdlərin istiliyi yoxlanır. Hərarəti olan şagirdlər, müəllimlər test və müayinəyə cəlb edilir, bundan sonra virus aşkar edilənlər tədris prosesindən kənarlaşdırılır. Şagirdlər və müəllimlər arasında koronavirusa yoluxanların olması qaçılmaz idi. Bu, bütün dünyada var. Məsələ onun geniş yayılmasının qarşısını almaqdır”.

Ekspert bildirib ki, yoluxmalarda günahkar iki tərəfdir:

“Birincisi valideynlər, ikincisi məktəblər. Valideynlər ona görə günahkardır ki, övladlarını məktəbə yola salanda binanın qarşısında böyük sıxlıq yaradırlar və ara məsafəsi gözlənilmir. Məktəblər ona görə günahkardır ki, yalnız bir giriş və çıxışdan istifadə olunur və nəticədə sıxlıq yaranır".

Ekspert qeyd edib ki, təhsil tam dayanmamalı, müəyyən şərtlərlə davam etdirilməlidir:

"Əlbəttə ki, yoluxma halları nəzarət çərçivəsindən çıxsa, sərt tədbirlər həyata keçirilə bilər. Amma bu tədrisin tam dayanması ilə nəticələnməməlidir. Çünki biz bütün hallarda, virus ilə yaşamağa məcburuq. Qapanma ilə yalnız sayı azaltmaq mümkündür, məsələnin həlli üçün bu yetərli deyil”.

Ekspert təkliflərini də səsləndirib:

“1.Məktəblərdə qoruyucusu maskalardan istifadə şagirdlər üçün də məcburi olmalıdır.
2.Şagirdlər əllərini hər tənəffüs zamanı yumalıdırlar.
3.Məktəblər 1 yox, bir neçə giriş və çıxışdan istifadə etməlidir".

Xatırladaq ki, pandemiya dövründə tədrisin təşkilinə dair qaydalar Operativ Qərargah tərəfindən tənzimlənir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.