Yasamaldakı binaların eyvanı sökülməyəcək - İcra başçısı geri çəkiləsi oldu

20-08-2015, 15:59           
Yasamaldakı binaların eyvanı sökülməyəcək - İcra başçısı geri çəkiləsi oldu
Paytaxtın Yasamal royunu, A.Ağayev küçəsi bina 1-də olan mənzillərə bitişik əlavə tikililər sökülməsi ilə bağlı məsələ artıq həllini tapıb. Bunu AzVision.az - a açıqlamasında Yasamal Rayon İcra Hakimiyyətinin başçısı İbrahim Mehdiyev deyib. O, qeyd edib ki, həmin tikililər sökülməyəcək:

“Artıq məsələ öz həllini tapıb. Həmin tikililər sökülməyəcək” - deyə İbrahim Mehdiyev bildirib.

Qeyd edək ki, Bakı Şəhər İcra Hakimiyyətinin başçısı Hacıbala Abutalıbov bildirib ki, paytaxtın Yasamal royunu, A.Ağayev küçəsi bina 1-də olan mənzillərə bitişik əlavə tikililər sökülsün. Bu ünvanda yaşayan sakinlər isə deyir ki, tikili qanunidir və bununla bağlı elə icra hakimiyyətinin verdiyi müvafiq qərar əllərindədir.

Mətbuatda gedən məlumatalara görə, artıq binanın eyvanında olan sənədsiz tikililər sökülür. İcra hakimiyyəti bu işləri şəhərdə aparılan abadlıq-quruculuq işləri ilə əlaqələndirir. H.Abutalıbov söküntü işlərinin başa çatması üçün 2 saat vaxt qoyub.

Sakinlər isə deyir ki, evlərinə bitişik olan əlavə tikililər sökülərsə evlərini tərk etməyəcəklər. Onlar sənədli tikililərin sökülməsini qeyri-qanuni hesab edirlər.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.