Dünya şöhrətli aktyor Stiven Siqal həyat yoldaşı Erdenetuya ilə Bodruma yollanıb.

Axşam.az xəbər verir ki, sənətçi verdiyi təlimatlarla türkiyəli jurnalistləri çətin vəziyyətə salıb.

Belə ki, o, öncə hava limanında gözləyən media nümayəndələrinin uzaqlaşdırılmasını tələb edib. Daha sonra gəldiyi oteldə jurnalistlərin olduğunu görən Siqal avtomobildən enməyib.

Kameraların bağlanmasını istəyən aktyor oteldə gözləyərək, müxbirlərin getməsini istəyib.

Onlar oteldən çıxarılandan sonra isə S.Siqal otağına getmək üçün avtomobilin gəlməsini sifariş verib. Maşın gələndən sonra yenidən jurnalistləri görən sənətçi bu dəfə də çölə çıxmaq istəməyib. Sürətlə avtomobilə minən Siqal mühafizəçilərdən fotolarının çəkilməsinin qarşısının alınmasını tələb edib.

Qeyd edək ki, aktyor iki gün Bodrumda qalacaq.