Emin Ağalarov əlil şəxsi restoranından çıxaran işçini cəzalandırdı - FOTO

24-04-2016, 20:28           

Rusiyadakı “Rose bar” restoranında xoşgəlməz hadisə baş verib. “Qafqazinfo” “Komsomolskaya Pravda”ya istinadən xəbər verir ki, anadangəlmə əlil olan Oleq Yeremin həmin məkandan məhz fiziki qüsurlu olduğu üçün qovulub.

22 apreldə restorana gələn Oleq “INSEAD” məktəbinin məzunları ilə görüşmək istəyib. Amma heç 3 dəqiqə keçmədən ona qapının yerini göstəriblər.

Qeyd edilir ki, restoran “Crocus Group” şirkətinin tərkibindədir və azərbaycanlı müğənni-bəstəkar Emin Ağalarova məxsusdur.

Restoranın narazı ziyarətçisinin bu paylaşımını restoran işçiləri də görüb və məsələ ilə bağlı araşdırmalara başlanılıb. Məlum olub ki, Oleqi “Rose bar”dan həmin məkanın icraçı direktoru, Aleksey adlı şəxs çıxarıb. Bu hadisəyə Emin Ağalarov şəxsən müdaxilə edib və hər kəsin adından Oleq Yeremindən üzr istəyib. O, Yeremini məkandan uzaqlaşdıran şəxsi və buna görə məsuliyyət daşıyan bir neçə nəfəri işdən azad edib.

Emin Ağalarov fiziki qüsurlu şəxsi təzminat müqabilində dostları ilə birgə şəxsi restoranlarından hər hansı birinə yeməyə də dəvət edib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.