Türkiyə Kolan yüksəklikləri məsələsini BMT Baş Assambleyasına çıxaracaq. Trend-in məlumatına görə, bu barədə ölkə Prezidenti Rəcəb Tayyib Ərdoğan yerli televiziyaya müsahibəsində bildirib.

Ərdoğan qeyd edib ki, BMT bu məsələ barədə artıq mövqeyini bildirib. Bundan əlavə Türkiyə Prezidenti Trampla görüşüb ona Netanyahuya seçkilərə Kolan yüksəkliklərini “qızıl sinidə” hədiyyə etməklə böyük səhv edir.

“Bu bütün dünyaya təhdiddir. Türkiyə Kolan yüksəklikləri məsələsini BMT Baş Assambleyasına çıxaracaq.”, deyə Ərdoğan bildirib.

Xatırladaq ki, Tramp 21 martda Twitter-də yazmışdı ki, ABŞ-ın Kolan yüksəklikləri üzərində İsrailin suverenliyini tanımaq vaxtı gəlib çatıb.