Yaponiyada G20 sammiti çərçivəsində Türkiyə və ABŞ prezidentlərinin görüşü başlayıb.

Teleqraf.com xəbər verir ki, görüşdən öncə Rəcəb Tayyib Ərdoğan iki ölkə arasında əməkdaşlığın davam edəcəyinə inandığını deyib:

"Müdafiə sənayesi sahəsində atacağımız addımlar var. Əməkdaşlığımızın davam edəcəyinə tam əmnəm".

Türkiyənin Rusiyadan almağa hazırlaşdığı S-400 raket kompleksi ilə bağlı məsələ barədə suala cavab verən Donald Tramp bildirib ki, bu mövzunun müxtəlif çözümü ola bilər: "Türkiyənin ABŞ-dan Patriot raketləri almasına Barak Obama hakimiyyəti izn vermədi. Türkiyə ilə davranışda ədalətsizliyə yol verildi. Ərdoğan dostcasına münasibət saxladığım liderdir. Türkiyəyə səfər edəcəm, sadəcə tarix dəqiq deyil".