Türkiyənin prezidenti Rəcəb Tayyip Ərdoğan nüvə güclərinin Ankaranın özünün nüvə silahı yaratmasını qadağan etmək cəhdlərinin doğurduğu situasiyanı qəbuledilməz adlandırıb. Bu zaman Türkiyə lideri qeyd edib ki, onun ölkəsi nüvə silahı əldə etməyə can atmır.

«Bəzi ölkələrin nüvə başlıqlı paketləri var, həm də bir və ya iki yox. Bu zaman onlar bizə deyirlər ki, bizim belə silahımız ola bilməz. Mən, bununla razılaşa bilmərəm»- deyə, Ərdoğan sentyabrın 4-də başçılıq etdiyi Ədalət və İnkişaf partiyası üzvləri qarşısında Sivas şəhərindəki çıxışı zamanı bəyan edib.

Türkiyə nüvə silahının yayılmaması barədə Müqaviləni 1980-ci ildə və nüvə sınaqlarının tam qadağan olunması barədə Münaviləni isə 1996-cı ildə imzalayıb.

Bununla bərabər, Ərdoğan İsrailin öz nüvə ptensialının olması məsələsinə də işarə edib, baxmayaraq ki, yəhudi dövləti bu faktı rəsmi olaraq inkar edir.

«Bizimlə qonşuluqda İsrail var, biz, demək olar, qonşuyuq. Onlar bu silahla digər ölkələri qorxudurlar. Və heç ki, onlara toxunmağa cəsarət etmir» - Türkiyə prezidenti qeyd edib.

Dövlət başçısı həm də ölkənin maliyyə sektorundakı situasiyanı şərh edib. Onun sözlərinə görə, hazırda faiz dərəcələrinin və inflyasiyanın düşməsi müşahidə olunur. Ərdoğan əmin olduğunu bildirib ki, bu tendensiya gələcəkdə də davam edəcək («Anadolu»).

Onun sözlərinə görə, Türkiyə maliyyə baxımından, uğurlu ölkədir. «Bu uğur bizi maliyyə baxımından daha güclü edir» – Türkiyə prezidenti əlavə edib.

AzPolitika.info