Bərzanidən Türkiyəyə dəstək: - “Bağdad bilirdi…”

8-12-2015, 20:48           
Bərzanidən Türkiyəyə dəstək: - “Bağdad bilirdi…”
Bizdə olan məlumata görə, Türkiyə və İraq Mosul ətrafında türk hərbçilərin yerləşdirilməsi məsələsində daha öncə razılaşmışdı.

Axar.az xəbər verir ki, bu sözləri Şimali İraq Kürd Regional Rəhbərliyinin rəhbəri Məsud Bərzani deyib.

Bərzani Türkiyənin Mosul ətrafına hərbçi göndərməsi məsələsinin çox böyüdüldüyünü bildirib:

“Bizdə olan məlumata görə, Türkiyə və İraq Mosul ətrafında türk hərbçilərin yerləşdirilməsi məsələsində öncədən razılaşmışdı. Bu addım Mosulu İŞİD-dən azad etmək üçün əməliyyata qatılacaq könüllü əsgərlərin öyrədilməsi üçün atılmışdı. Hesab edirəm ki, bu məsələ çox şişirdilib”.

Qeyd edək ki, dekabrın 4-də Türkiyə ordusu Mosulda peşmərgəyə hərbi təlimlər keçən əsgərləri yeniləri ilə əvəzləyib. İraq Baş naziri Heydər Abadi isə Türkiyənin rəsmi Bağdaddan icazə almadığını bildirib və hərbçiləri çıxarmaq üçün 48 saat vaxt verib.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.