Türkiyənin Xarici İşlər Naziri Mövlud Çavuşoğlu koronavirusla bağlı Çində qalan azərbaycanlılardan danışıb.

Reportyor.info xəbər verir ki, bunu Mövlud Çavuşoğlu Qlobal Jurnalistlər Konseyinin toplantısında deyib:
“Virus yayılan bölgədə 7 azərbaycanlının olması barədə məlumatımız var. Yaxın vaxtlarda Türkiyədən Çinə təyyarə gedəcək və orada qalan Türkiyə vətəndaşlarını gətirəcək”.

Çavuşoğlu qeyd edib ki, azərbaycanlı tələbələr də Türkiyə təyyarəsi ilə gətiriləcək: “Artıq məlum məsələ ilə bağlı Rəcəb Tayib Ərdoğanla danışmışam və Azərbaycan tərəfinə də bu barədə məlumat verilib. Orada qalan azərbaycanlı tələbələr Türkiyə təyyarəsi ilə gətiriləcək”.