İraqın Səlahəddin vilayətindəki silah-sursat anbarında partlayış baş verib.

Bu barədə TRT məlumat yayıb.

Bildirilib ki, hadisə nəticəsində 9 nəfər təhlükəsizlik əməkdaşı həlak olub.

Vilayətin polis idarəsinə istinadən verilən məlumata görə, insident Beyci qəsəbəsində partlayıcı maddələrin saxlandığı anbarda meydana gəlib.

Qeyd olunub ki, 2014-2017-ci illərdə İŞİD-ə qarşı əməliyyatlarda İrak hökumət qüvvələri külli miqdarda partlayıcı qurğular ələ keçirib. Bu qurğuların saxlandığı anbarlarda isə yay aylarında hərarət 50 dərəcəyədək yüksəlir.