Bu ilin may ayında Azərbaycan sabit genişzolaqlı internetin median sürətinə görə 181 ölkə arasında 116-cı yerdə, mobil internetin sürətinə görə 140 ölkə arasında 55-ci yerdə qərarlaşıb.
İndi yəqin ki, nazir Rəşad Nəbiyev bu məlumata eşidən kimi açıqlama verər ki, Azərbaycanda İnternetin keyfiyyətini artırmaq, qiymətini isə aşağı salmaq lazımdır – sizcə deməz?! Yox, deməz, o ancaq taksilərin ucuz olmasından şikayətlənib tez-bazar Milli Məclisə taksi xidmətini faktiki inhisara alınmasına, qiymətlərin yüksəlməsinə xidmət edən 6 qanun layihəsinə dəyişilməsinə çalışar. Nazir Nəbiyev taksi xidmətini inhisara almaq istəyənlərin maraqları üçün çalışmaqdansa, getsin BİRBAŞA onun nazirliyindən asılı olan İnternetin keyfiyyəti qaldırsın, qiymətini isə aşağı salsın, o zaman öz işi ilə məşğul olduğunu deyə bilərik.
Bu gün Milli Məclis ilk oxunuşda taksi fəaliyyətinə aid olan 6 müxtəlif qanunda dəyişikliyi 1-ci oxunuşda sürətlə qabul edib – REAL-ın Parlament təmsilçisi Erkin Qədirli 6 dəyişikliyin hamısının əlehinə səs verib.
Natiq Cəfərli
Teref.az