İldırım Musayev, Mərkəzi Asiya ölkələri üzrə xüsusi müxbir

“Qazaxıstanın baş nazir Əlixan Smailov hökumətə və biznes qurumlarına turizm sahəsində problemlərin operativ şəkildə həll edilməsini tapşırıb”.

KONKRET.az-ın Mərkəzi Asiya ölkələri üzrə bürosu xəbər verir ki, hökumətin iclasında Əlixan Smailov Qazaxıstanın turizm sektorunda mövcud vəziyyətlə bağlı sərt danışıb. Nazirlər Kabinetinin rəhbəri xüsusilə vurğulayıb ki, mövsüm yeni başlasa da, göstərilən xidmətlərin keyfiyyəti ilə bağlı artıq 500-dən çox şikayət və müraciət daxil olub. Söhbət əcnəbilər üçün taksilərin təqdim etdiyi fantastik qiymətlərdən, eləcə də çirklənmiş turizm bölgələrindən və istirahət mərkəzlərinə istiqamət alan yollardan gedir.

“Biz qarşımıza məqsəd qoymalıyıq: 2029-cu ilə qədər Qazaxıstan qlobal Səyahət və Turizmin İnkişafı İndeksində ən azı 50-ci yerdə olmalıdır”, – deyə baş nazir bildirib.